Prahnozy ŭrada RF pa roście ekanomiki Rasii ŭ 2020-2023 hadach zanadta aptymistyčnyja i nie ŭličvajuć druhuju chvalu karanavirusa, zajaviŭ u intervju TASS kiraŭnik Padlikovaj pałaty RF Alaksiej Kudryn. Na jahonuju dumku, spad VUP krainy ŭ 2020 hodzie pieravysić 5%, a ŭ 2022-2023 hadach ekanomika budzie raści tempami nie vyšej za 2,5%.
«Na moj pohlad, urad zanadta aptymistyčna aceńvaje najbližejšyja pierśpiektyvy. Jon ličyć, što paśla padzieńnia hetaha hoda ekanamičny rost u 2021-m składzie bolš za 3%. Ale ŭ prahnoz nie zakładzienaja druhaja chvala COVID-19, jakaja, na žal, užo pačałasia. Vysokaja vierahodnaść, što i hety hod budzie začynieny z bolš nizkimi pakaźnikami, i ŭ pieršym kvartale 2021-ha ekanomicy Rasii pryjdziecca sutyknucca z peŭnymi ciažkaściami. VUP moža źnizicca macniej», — skazaŭ Kudryn.
«U kryzisnym 2020 hodzie padzieńnie vałavoha ŭnutranaha praduktu składzie, pa apošnich acenak Minekanamraźvićcia, kala 4%. Dumaju, padzieńnie budzie bolšym — ad 4 da 5% i vyšej», — dadaŭ jon.
Ciapier čytajuć
U Poznani hiniekołah vydaliŭ 24‑hadovaj biełaruscy matku i jaječniki bieź jaje zhody. Jamu pahražaje da 20 hadoŭ turmy22
Kamientary