«Sami nie možam uśviadomić, što heta adbyłosia». Ź Lilii Ułasavaj źniali ŭsie abmiežavańni
23 kastryčnika admienieny chatni aryšt u dačynieńni da jurysta i miedyjatara Lilii Ułasavaj, jakaja na minułym tydni była vyzvalena ź SIZA. Jak paviedamiŭ Tut.by jaje muž, ź Lilii źniali ŭsie abmiežavańni. Heta značyć, što Lilija Uładzimiraŭna moža svabodna pierasoŭvacca, mieć stasunki z rodnymi, kalehami i siabrami. Pry hetym Lilija Ułasava zastajecca ŭ statusie abvinavačvanaj. U najbližejšy čas jana budzie vyrašać prablemy sa zdaroŭjem, jakoje padarvała za čas znachodžańnia ŭ izalatary.
— My sami nie možam uśviadomić, što heta adbyłosia, — kaža muž Lilii Ułasavaj Uładzimir Iskarcaŭ na pytańnie, jak jany ŭspryniali rašeńnie śledstva ab admienie chatniaha aryštu. — Paŭtara miesiaca znachodžańnia ŭ SIZA pakazali, što spadziavacca nie davodzicca, ale ŭsio ž rozum pieramoh. Spadziajomsia, što jon pieramoža i ŭ dačynieńni da inšych zatrymanych.
31 žniŭnia Ułasavu vyklikali ŭ Centralnaje RUUS Minska pa fakcie ŭdziełu ŭ niesankcyjanavanym masavym mierapryjemstvie. U toj ža dzień jaje zatrymali supracoŭniki Departamienta finansavych rasśledavańniaŭ Kamiteta dziaržaŭnaha kantrolu, u jaje domie praviali pieratrus. Paźniej stała viadoma, što ŭ dačynieńni da Lilii Uładzimiraŭny zaviedziena kryminalnaja sprava pa č. 2 art. 243 KK (Uchileńnie ad vypłaty padatkaŭ).
Lilija Ułasava ŭtrymlivałasia ŭ SIZA № 1 na Vaładarskaha, jana była adnoj z udzielnic sustrečy z Alaksandram Łukašenkam u SIZA KDB 10 kastryčnika. Praz tydzień jaje vyzvalili ź izalatara pad chatni aryšt. Siońnia, 23 kastryčnika, śledstvam pryniata rašeńnie ab admienie miery strymańnia.
Ciapier čytajuć
Raźviedka ZŠA: Biełaruś stała pieradavym vajskovym płacdarmam Rasii16
Kamientary