Alaksandr Łukašenka vykazaŭsia pra padziei ŭ niekatorych susiednich krainach, pradstaŭniki jakich vystupali z krytykaj biełaruskich uładaŭ, piša BiełTA.
«Jak ja kazaŭ, Haspodź nam dapamoh. Toje, što chacieli jany ŭ nas stvaryć, i sioje-toje zrabili… Bačycie, što adbyvajecca. Jany suprać žančyn vyvieli armiju. Ale heta nie suprać žančyn. Heta demanstracyja pierad niadzielaj, kali budzie marš na Varšavu, kab patreści ŭsim: hladzicie, vojska vyvieli, mała nie padasca. A nas ža jak paprakali!» — zaŭvažyŭ Łukašenka.
«Hetyja ŭ Litvie navat troch pracentaŭ nie nabrali [nie prajšła ŭ novy skład parłamienta partyja, ad jakoj bałatavaŭsia kiraŭnik MZS Litvy Linas Linkiavičus]. Nam try pracenty davali, a tam navat troch pracentaŭ nie nabrali, — skazaŭ Łukašenka. — Heta za Biełaruś».
«I vaźmicie na poŭdni: jamu-ta čaho nie chapała? Ja ŭžo jaho [imavierna, havorka idzie pra prezidenta Ukrainy Uładzimira Zialenskaha] padtrymlivaŭ va ŭsich pačynańniach, staraŭsia hetuju Ukrainu, jak tolki moh… Padtrymlivaŭ, abaraniaŭ i inšaje. Hruknuŭsia: 37% pryjšło, i nidzie nie pieramoh [havorka idzie pra miascovyja vybary]», — praciahnuŭ Alaksandr Łukašenka.
Kamientary