Viačasłaŭ Barok słužyć u Rasonach. Heta samaja poŭnač Viciebščyny, hłuchi kut, adzin z samych małanasielenych rajonaŭ.
Ajciec Viačasłaŭ — probašč katalickaj parafii tam. I viadzie jutub-kanał, a taksama piša ŭ sacsietki.
Propaviedzi ajca Viačasłava Barka — pra toje, što adbyvajecca vakoł nas. «Dakul Boh budzie ciarpieć katavańni siłavikoŭ nad biełarusami?» — takaja tema kazani ad 11 listapada, u jakoj ajciec Viačasłaŭ adkazvaje na pytańni parafijan i svaich hledačoŭ paśla 8 listapada, kali ŭ Minsku było za adzin dzień zatrymana bolš za 1050 čałaviek.
Raniej byli propaviedzi «Ahresija — adkul biarecca? Što kaža pra jaje Kaścioł i Boh. Los ahresaraŭ» i «Dyjałoh — najlepšy vychad ź luboha kanfliktu».
Siońnia Viačasłava Barka vyklikali na hutarku ŭ Śledčy kamitet. Ksiondz paviedamiŭ, što jaho zaprasili z metaj dać tłumačeńni ab tym, što jon havoryć na svaim Youtube-kanale.
Śviataru paviedamili, što budzie pryznačanaja linhvistyčnaja ekśpiertyza pa jahonych vykazvańniach u videabłohach, a taksama na staroncy ŭ Instagram. Vusna śledčy Zubko jamu skazaŭ, što idzie pravierka ŭ ramkach artykuła 174 Kryminalna-pracesualnaha kodeksa «Rašeńni, jakija prymajucca pa zajavach abo paviedamleńniach ab złačynstvie».
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary