Piatru Jałfimavu, jaki pradstaŭlaŭ Biełaruś na konkursie «Jeŭrabačańnie‑2009» i nie prajšoŭ u finał, jość što skazać prezidentu.
«Mnie vielmi šmat što jość raskazać, pačynajučy ad arhanizacyjnych pazicyj i zakančvajučy čysta čałaviečymi, — zajaviŭ śpiavak u intervju BiełaPAN, kali viarnuŭsia z Maskvy. — Ja vielmi šmat što kazaŭ da taho, jak pajechać na «Jeŭrabačańnie», i źviartaŭ uvahu na mnohija momanty. Nichto nie pačuŭ ni mianie, ni majho pradziusiera. Ja vielmi rady, što narešcie ŭsio zakončyłasia, što my viarnulisia na radzimu».
Z prośbaj arhanizavać sustreču z kiraŭnikom dziaržavy Jałfimaŭ pakul nikudy nie źviartaŭsia, ale płanuje zrabić heta paśla zakančeńnia «Jeŭrabačańnia».
Vykanaŭca vysoka aceńvaje svajo vystupleńnie na konkursie «Jeŭrabčańnie‑2009» u Maskvie.
«Ja zadavoleny vystupleńniem. Nasamreč heta było kłasnaje vystupleńnie. Prydracca prosta niama da čaho, ni adnoj falšyvaj noty, usio śpieta, emacyjna padadziena tak, jak ja i chacieŭ», — zajaviŭ Jałfimaŭ.
Jon nie viedaje, što pieraškodziła trapić u finał.«Inšyja delehacyi, jakija byli na «Jeŭrabačańni», padychodzili i kazali, što vystupleńnie było supier i što jany vielmi pieražyvajuć z‑za taho, što Biełaruś nie prajšła ŭ finał. Usio, što patrabavałasia ad mianie, ja svaju zadaču vykanaŭ — ja vyjšaŭ i vielmi dastojna praśpiavaŭ», — padkreśliŭ Piotr.
Aceńvajučy inšych udzielnikaŭ konkursu, Jałfimaŭ zaznačyŭ, što jamu vielmi spadabalisia vystupleńni pradstaŭnikoŭ Isłandyi, Šviecyi i Danii. «Ale bolš za ŭsio mnie padabajecca pradstaŭnica Vialikabrytanii. Ja dumaju, što ŭ jaje jość usie šancy na pieramohu. Ja aceńvaju z punktu hledžańnia vakalnaha majsterstva», — skazaŭ jon.
Pradstaŭnika Narviehii Alaksandra Rybaka, uradženca Minska, jaki vyjšaŭ u finał konkursu, Jałfimaŭ nazvaŭ «dobrym chłopcam».«U jaho dobraja jarkaja piesieńka, žyćciaradasnaja. Ale paraŭnoŭvać, naprykład, vakalnyja zdolnaści toj ža pradstaŭnicy Isłandyi i Sašy — heta ž roznyja rečy. Ja žadaju jamu ŭdačy», — skazaŭ śpiavak.
Što tyčycca vykarystańnia nienarmatyŭnaj leksiki ŭ kamientaryi žurnalistam paśla vystupleńnia, to Jałfimaŭ patłumačyŭ heta tak: «Tak, ja vyjšaŭ na hanak i skazaŭ, što ja praśpiavaŭ «afihicielna», tolki kryšku pa‑inšamu. Ja nikoha nie źniavažyŭ, ja heta skazaŭ u dačynieńni da siabie ž samoha. I nie razumieju, adkul naohuł stolki šumu, dla čaho i navošta niechta pavinien za mianie publična prasić prabačeńnia. Ja — darosły čałaviek i razumieju svaje dziejańni, učynki i słovy. I kali ŭ mianie byŭ usplosk emocyj, to ja maju poŭnaje prava na heta», — zajaviŭ vykanaŭca.
Za Jałfimava publična paprasiŭ prabačeńnia kiraŭnik biełaruskaj delehacyi na «Jeŭrabačańni», namieśnik staršyni Biełteleradyjokampanii Alaksandr Martynienka.«Mnie chaciełasia b paprasić prabačeńnia ŭ pieršuju čarhu ŭ žurnalistaŭ za našaha artysta, za jaho vykazvańni, za nienarmatyŭnuju leksiku. Ja dumaju, heta emocyi zachlisnuli, i jon nie zmoh siabie prakantralavać. Viadoma, tak rabić nielha, heta vielmi navat niepryhoža», — zajaviŭ Martynienka.
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»25
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju44
Kamientary