Śviataroŭ Navahrudskaj jeparchii abaviazali nie ŭdzielničać u mitynhach i nie vykazvać «palityčnych mierkavańniaŭ»
Archijepiskap Navahrudski i Słonimski Huryj padpisaŭ rasparadžeńnie, zhodna ź jakim śviataram jeparchii vyznačana nie ŭdzielničać u mitynhach, a taksama nie vykazvać svajo palityčnaje mierkavańnie, u tym liku i ŭ siecivie, piša Tut.by.
Dakumient datujecca 23 listapada i pryniaty paśla narady archirejaŭ Biełaruskaj pravasłaŭnaj carkvy, jakaja prajšła 19 listapada ŭ Minsku. Tam śviatary abmiarkoŭvali pytańni, źviazanyja z carkoŭnym žyćciom i duchoŭnaj adukacyjaj.
U rasparadžeńni archijepiskapa Navahrudskaha i Słonimskaha Huryja havorycca pra toje, što śviataram Navahrudskaj jeparchii vyznačana nie brać udzieł u palityčnych akcyjach, vystupach (u tym liku i nie vykazvać «palityčnych mierkavańniaŭ u internet-prastory»), mitynhach, strajkach i šeściach. Śviatary pavinny pamiatać, što «hałoŭny abaviazak duchavienstva składajecca sa ździajśnieńnia nabaženstvaŭ, tainstvaŭ i malitvy, u tym liku ab supakajeńni varahujučych i daravańni miru i dabrabytu biełaruskamu narodu».
Nahadajem, na minułym tydni Hienieralnaja prakuratura abviaściła aficyjnyja papiaredžańni biskupu Minska-Mahiloŭskaj archidyjacezii Juryju Kasabuckamu i pres-sakrataru BPC Siarhieju Lepinu za ich dopisy ŭ sacyjalnych sietkach, u jakich śviatary vykazalisia nakont razbureńnia miemaryjała Ramana Bandarenki.
«Dać acenku hetym zajavam» kiraŭniku svajoj administracyi sumiesna z hienprakuroram daručyŭ Alaksandr Łukašenka.
-
U Baranavičach vylepili sa śniehu vialikaha kania ŭ palito FOTAFAKT
-
Pamiatajecie biełarusku, jakaja žyła i viała biznes u Litvie, ale nienavidzieła krainu? Daviedalisia, što z fanatkaj Łukašenki ciapier
-
«Pakul nie źniali tyktok — nichto nie varušyŭsia». Jak biełarusy vyrašajuć kamunalnyja prablemy praz ahałosku
Ciapier čytajuć
Raźviedka ZŠA: Biełaruś stała pieradavym vajskovym płacdarmam Rasii31
Kamientary