Urad nie bačyć nieabchodnaści ŭ dalejšym zamiežnym nadzvyčajnym finansavańni, zajaviŭ namieśnik ministra ekanomiki Biełarusi Piatro Žabko.
Biełaruski ŭrad nie bačyć nieabchodnaści ŭ dalejšym źniešnim nadzvyčajnym finansavańni dla pieraadoleńnia ekanamičnaha kryzisu, pakul popyt na jeŭrapiejskim i rasijskim rynkach zastajecca stabilnym.
Pra heta zajaviŭ namieśnik ministra ekanomiki Biełarusi Piotr Žabko, vystupajučy 15 maja ŭ Łondanie na hadavym schodzie Jeŭrapiejskaha banka rekanstrukcyi i raźvićcia, paviedamlaje Dow Jones Newswires.
«My spadziajemsia, što ekanamičnaja situacyja ŭ Rasii palepšaje, a popyt na rynkach Jeŭrasajuza pierastanie stahnavać, i tady ŭsio budzie dobra»,
— cytuje Žabko brytanskaje vydańnie. Kali ž uźniknie nieabchodnaść u nadzvyčajnym zamiežnym finansavańni, to «mižnarodnyja instytuty dapamohuć», ličyć namieśnik ministra.
Dow Jones Newswires zaznačaje, što Biełaruś užo pryciahnuła niekalki kredytaŭ, u tym liku z boku Rasii i Mižnarodnaha valutnaha fondu.
Nahadajem, u studzieni Rada dyrektaraŭ MVF uchvaliŭ prahramu stend‑baj dla Biełarusi ŭ abjomie pryblizna 2,46 młrd. dalaraŭ pad realizacyju raźličanaj na 15 miesiacaŭ (da krasavika 2010 hoda) prahramy ekanamičnych reform. Pieršy tranš u 788 młn dalaraŭ Biełaruś užo atrymała, astatnija srodki pavinny pieraličvacca z ulikam vykanańnia biełaruskim uradam uchvalenaj prahramy.
U svaju čarhu, Rasija abaviazałasia vydzielić Biełarusi ŭ 2008—2009 hadach stabilizacyjny kredyt u 2 młrd. dalaraŭ. Ź ich 1,5 młrd. užo pastupili, astatniuju častku kredytu biełaruski bok raźličvaje atrymać u mai.
Aprača taho, ułady Biełarusi zajaŭlali pra mahčymaść pryciahnieńnia inšych rasijskich kredytaŭ (100 młrd rasijskich rubloŭ i 2 młrd dalaraŭ ad «Aščadnaha banka» abo pułu bankaŭ), a taksama źviarnulisia da Suśvietnaha banka (SB) pa sadziejničańnie ŭ realizacyi prahramy ekanamičnych reform (suma mahčymaha zapazyčańnia — da 1 młrd. dołaraŭ).
Pradstaŭniki SB zaznačajuć, što kazać pra kankretnuju sumu pakul rana, jana moža źmianicca. Kančatkovaje rašeńnie ab vydzialeńni Biełarusi pazyki na mety raźvićcia rada dyrektaraŭ SB maje namier pryniać vosieńniu 2009 hoda.
Ciapier čytajuć
Prakuratura pra śmierć Miełkaziorava: žurnalist mieŭ chraničnuju chvarobu4
Prakuratura pra śmierć Miełkaziorava: žurnalist mieŭ chraničnuju chvarobu
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli2626
Kamientary