Deputaty zadumali ŭvieści štraf za niaspłatu transpartnaha padatku — 300-400 rubloŭ
Jak pa-novamu źbirać transpartny padatak z kiroŭcaŭ — ciapier hałaŭny bol deputataŭ i ministraŭ. Alaksandr Łukašenka daručyŭ im samim vyrašyć pytańnie.
Na pašyranaj naradzie ŭ parłamiencie pryjšli da takich vysnoŭ:
- Apłačvać darožny zbor možna budzie jak za miesiac ci niekalki miesiacaŭ, tak i za hod ci dva hady.
- Dla fizičnych asob staŭka źmienšycca na 10% adnosna ciapierašnich taryfaŭ, a pry apłacie adrazu na hod — na 20%.
- Dla jurydyčnych asob staŭka źmienšycca na 20%.
- Fiksavać parušeńni buduć u aŭtamatyčnym režymie praz kamiery.
- Pamier mahčymaha štrafu apisvajecca jak «dvuchrazovaja hadavaja staŭka darožnaha zboru». Paśla apłaty takoha štrafu kiroŭca aŭtamatyčna atrymaje dazvoł na ruch na hod.
- Sistema zapracuje ŭ najlepšym vypadku z 1 krasavika 2021 hoda.
Jakim atrymajecca štraf?
Zaraz dla lehkavika vahoj 1,5-2 tony padatak składaje 162 rubli na hod, dla lehkavika vahoj 2-3 tony — 216 rubloŭ.
Hetaja staŭka, jak abiacajecca, źmienšycca na 10% i składzie 145 rubloŭ i 195 rubloŭ adpaviedna.
U takim razie štraf budzie składać 290 rubloŭ dla mienšych mašyn i 390 rubloŭ dla bolšych.
Na hety momant adkaznaści za niaspłatu transpartnaha padatku niama, ale jon idzie ŭ kamplekcie z techahladam, a za adsutnaść techahladu možna atrymać papiaredžańnie ci štraf ad 1 da 3 bazavych vieličyń. Kali złoviać jašče raz — ad 2 da 5 bazavych.
Ciapier čytajuć
Šeść faktaŭ pra Andreja Švieda — byłoha hienprakurora, jaki ciapier staŭ staršynioj Viarchoŭnaha suda4
Kamientary