Viadomaja biełaruskaja płyŭčycha i kiraŭnica Fondu spartyŭnaj salidarnaści prakamientavała rašeńnie Mižnarodnaha alimpijskaha kamiteta ŭvieści sankcyi suprać NAK Biełarusi za dyskryminacyju spartoŭcaŭ pa palityčnaj prykmiecie.
«Siońniašniaje rašeńnie MAK, biezumoŭna, źjaŭlajecca histaryčnym i biesprecedentnym i nazaŭždy ŭvojdzie jak u historyju Biełarusi, tak i ŭ historyju suśvietnaha sportu: my damahlisia adnaŭleńnia pravoŭ spartoŭcaŭ — spartoŭcaŭ, jakija paciarpieli za mirnaje vykazvańnie svaich palityčnych pohladaŭ, — napisała jana. — Zaraz spartoŭcy, vyklučanyja, zvolnienyja sa zbornych, zmohuć pryniać udzieł u suśvietnych spabornictvach i Alimpijadzie, a čynoŭniki, što naplavali na ich pravy, paniasuć zasłužanaje pakarańnie.
Histaryčny momant hetaha rašeńnia ŭ tym, što nam, Biełaruskamu fondu spartyŭnaj salidarnaści, udałosia damahčysia pryniaćcia rašeńnia, pry tym što naša arhanizacyja źjaviłasia tolki ŭ žniŭni, a ŭsia praca, pieramovy z MAK zaniali krychu bolš za 2 miesiacy. Praŭładnyja čynoŭniki zajaŭlali, byccam my nichto i nie majem nijakaha prava havaryć ad imia spartoŭcaŭ. Jany pamylilisia. I nie tolki jany.
Spartyŭnyja sankcyi MAK — heta tolki pačatak. My nie spynimsia, vinšujem usich ź vielmi važnaj pieramohaj!»
7 śniežnia Mižnarodny alimpijski kamitet uvioŭ sankcyi suprać NAK Biełarusi za dyskryminacyju spartoŭcaŭ pa palityčnaj prykmiecie. Alaksandru i Viktaru Łukašenkam i Dźmitryju Baskavu budzie zabaroniena prysutničać na Alimpijadzie i ŭdzielničać u lubych mierapryjemstvach MAK. Akramia taho, MAK spyniaje ŭsie vypłaty NAKu Biełarusi. Stypiendyi spartoŭcam buduć iści naŭprost.
«Zapuskajcie dalej saluty, a ja vykliču milicyju». Biełarusy spračajucca pra zabaronu na fiejervierki2
Kamientary