Raspracoŭščyk dadatku dla žanočaha zdaroŭja Flo adkryvaje ofis u Vilni, paviedamlaje dev.by.
— Novaja litoŭskaja kamanda budzie padtrymlivać rost viadučaj u śviecie płatformy dla žanočaha zdaroŭja z vykarystańniem najnoŭšych technałohij. Pradukcyja i raspracoŭka składajuć bolš za 50% našaj kamandy. U nastupnym hodzie my płanujem umacavać i padvoić našy inžyniernyja mahutnaści, abapirajučysia na litoŭskija talenty. U kamandu ŭvojduć Inžyniery Scala, inžyniery pa Android i iOS, śpiecyjalisty pa navucy ab danych i śpiecyjalisty pa mašynnym navučańni, — paviedamiŭ techničny dyrektar Flo Raman Buhajoŭ.
U listapadzie 2020 hoda Flo stała samym papularnym dadatkam u katehoryi «Zdaroŭje i fitnes» u kramie dadatkaŭ Litvy.
Flo — adzin z samych papularnych dadatkaŭ dla zdaroŭja i fitnesu ŭ bolš čym 100 krainach śvietu. Jaho vybrali bolš za 150 miljonaŭ žančyn pa ŭsim śviecie i 36 miljonaŭ aktyŭnych karystalnikaŭ u miesiac. Tolki ŭ EC u dadatku 30 miljonaŭ ustanovak i 8 miljonaŭ aktyŭnych karystalnikaŭ u miesiac.
Flo — nie pieršaja kampanija ź biełaruskimi karaniami, jakaja vyrašyła adkryć ofis u Vilni. U vieraśni ab płanach adkryć ofis paviedamiła kryptabirža Currency.
U kancy kastryčnika stała viadoma, što ofis u Vilni adkryvaje EPAM i płanuje naniać 600 čałaviek. U nastupnym hodzie ofis u Vilni adkryje Wargaming. Litoŭski ofis kampanii budzie zajmacca raspracoŭkaj, apieryravańniem i vydańniem hulniaŭ.
-
U Baranavičach vylepili sa śniehu vialikaha kania ŭ palito FOTAFAKT
-
Pamiatajecie biełarusku, jakaja žyła i viała biznes u Litvie, ale nienavidzieła krainu? Daviedalisia, što z fanatkaj Łukašenki ciapier
-
«Pakul nie źniali tyktok — nichto nie varušyŭsia». Jak biełarusy vyrašajuć kamunalnyja prablemy praz ahałosku
Raźviedka ZŠA: Biełaruś stała pieradavym vajskovym płacdarmam Rasii24
Kamientary