Ministr Pinievič: Biełaruś vyjšła na pik pnieŭmanij i pratrymajecca na im minimum paŭtara miesiaca
Pra heta ministr achovy zdaroŭja zajaviŭ siońnia žurnalistam, piša BiełTA.
«Dla indykacyi stanu epidemičnaha pracesu ŭ našaj krainie my, jak i ŭsie, hladzim na kolkaść chvorych. Ale heta nie źjaŭlajecca dla nas asnoŭnym indykataram.
Im usio ž taki źjaŭlajecca analiz pastupleńnia ludziej ź pnieŭmanijami, asabliva źviazanymi z kavidam.
Našy prahnozy pakul spraŭdžvajucca: va ŭsich rehijonach my vyjšli na pik. Na žal, pakazčyki dosyć vysokija, i my dumajem, što budziem na takich ličbach jak minimum jašče paŭtara miesiaca», — adznačyŭ Dźmitryj Pinievič.
Pry hetym jon źviarnuŭ uvahu na toje, što, niahledziačy na vysokuju nahruzku na sistemu achovy zdaroŭja z-za pandemii, u krainie nie pierastali akazvać śpiecyjalizavanyja vidy miedycynskaj dapamohi.
Ministr taksama zaŭvažyŭ, što pandemija nie skončycca zaŭtra: druhaja chvala pačnie spadać tolki da leta.
«Jak minimum da červienia my budziem žyć z vysokaj intensiŭnaściu, pakul štam nie stanie siezonnym», — dadaŭ jon.
Pravieryć słovy ministra niemahčyma, bo paśla pačatku pandemii kavidu ŭ Biełarusi pierastali publikavać statystyku pnieŭmanij.
Ciapier čytajuć
Łukašenka vykazaŭsia pra deficyt miedykaŭ i prapanavaŭ im pracavać bolš6
Kamientary