Vajskoviec u rasijskim Pskovie vypadkova streliŭ z harmaty pa handlovym centry
U vajskovaj častcy ŭ rasijskim Pskovie vypadkova strelili z 30-milimietrovaj harmaty, nichto nie paciarpieŭ, paviedamlaje telekanał Dožd́.
Vypadak zdaryŭsia 24 śniežnia pry absłuhoŭvańni techniki i ŭzbrajeńni ŭ parku bajavych mašyn. «U vyniku mietaličnaja bałvanka biez vybuchovaha rečyva ŭpała na ŭskrainie horada na niežyły budynak», - koratka paviedamiŭ Pskoŭski harnizon.
Telehram-kanał Baza udakładniŭ, što 19-hadovy vajskoviec pa proźviščy Kamaroŭ vypadkova zrabiŭ dva streły z bajavoj mašyny BMD-4, paśla čaho adna z bałvanak trapiła ŭ dach handlovaha centra i ŭpała na druhim paviersie ŭ kramie «Dziciačy śviet». Paciarpiełych u vyniku incydentu niama, ale z budynka evakujavali 300 čałaviek. Kudy pryziamliŭsia druhi snarad, nieviadoma.
REN-TB dadaje, što jafrejtar vyrašyŭ «biez dazvołu ahledzieć i aprabavać BMD-4» i pa nieaściarožnaści zrabiŭ streł. Vidavočcy raspaviali, što ŭ handlovy centr pryjechała vajennaja prakuratura, ujezd u budynak nienadoŭha pierakryli.
U Fjord Plaza, kudy ŭpaŭ snarad, nie kamientujuć situacyju.
Ciapier čytajuć
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»8
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary