MUS: U Biełarusi ŭsio hatova dla pierachodu na bijamietryčnyja dakumienty
Takaja infarmacyja była ahučana ŭ efiry telekanała «Biełaruś 1», paviedamlaje BiełTA.
Bolš jak 800 tysiač biełarusaŭ atrymajuć ID-kartu ŭ 2021 hodzie. Heta nievialikaja płastykavaja kartka, na jakoj źmieščanaje fota i asnoŭnyja asabistyja źviestki ŭłaśnika. Usia astatniaja infarmacyja budzie pryviazanaja da dakumienta anłajn. Sčytvać jaje možna budzie z dapamohaj śpiecyjalnaha terminała. Ludzi, jakija atrymajuć ID-kartu, aŭtamatyčna nabuduć elektronny ličbavy podpis z 10-hadovym terminam prydatnaści i asabisty elektronny kabiniet. Z momantu stvareńnia kabiniet budzie mieć status nieaktyŭnaha, pakul čałaviek jaho nie aktyvizuje z ID-karty. Tam budzie znachodzicca ŭsia infarmacyja z historyjaj vykarystańnia hetaha kabinieta.
«My dumajem, što čerhaŭ nijakich nie budzie. Ciapier dziejny pašpart budzie źjaŭlacca sapraŭdnym da terminu jaho zakančeńnia. Heta vielmi tonki momant, jaki treba razumieć usim hramadzianam. Paśla ŭkaranieńnia bijamietryčnych dakumientaŭ nie treba kidacca i biehčy ich atrymlivać. U hetym niama nijakaj nieabchodnaści. Hetyja dva dakumienty — pašpart i ID-karta — buduć dziejničać naroŭni ŭ dziaržavie. Tamu my napłyvu nie čakajem i nie dumajem, što jon adbudziecca», — adznačyŭ namieśnik načalnika Departamienta hramadzianstva i mihracyi MUS Pavieł Chryščanovič.
Jašče adzin dakumient, jaki ŭ hetym hodzie zmohuć atrymać biełarusy, — bijamietryčny pašpart. U krainie ŭsio hatova dla pierachodu na jaho.
Dakumient spatrebicca dla vyjezdu za miažu. Jak zajavili ŭ MUS, u hod buduć vydavać ad 300 da 500 novych zamiežpašpartoŭ.
Ciapier čytajuć
Palaki kuplajuć damy ŭ Biełarusi — cikaviacca, ci chopić na žyćcio jeŭrapiejskaj piensii, i radujucca śmiešnym vydatkam17
Kamientary