Paśla trahiedyi na Niamizie pry praviadzieńni masavych mierapryjemstvaŭ abaviazkova ŭličvajecca faktar nadvorja, bližejšyja stancyi mietro začyniajucca.
Jak paviedamiŭ «Interfaksu» načalnik milicyi hramadskaj biaśpieki Mienharvykankamu pałkoŭnik milicyi Ŭładzimir Navitkievič, «trahiedyja na Niamizie, što zdaryłasia 10 hadoŭ tamu, stała horkim urokam i vopytam dla milicyi». Z ulikam hetaha byŭ raspracavany ałharytm dziejańniaŭ milicyi ŭ časie achovy hramadskaha paradku ŭ miescach masavych mierapryjemstvaŭ u składanych umovach nadvorja. Isnuje damoŭlenaść ź mienskim mietrapalitenam ab tym, što
«kali raptoŭna ŭ časie masavaha mierapryjemstva pačniecca navalnica i ŭźniknie vierahodnaść, što ludzi mohuć rušyć u bok padziemnych pierachodaŭ na stancyjach mietrapalitena, milicyja pierakryje ŭvachody ŭ padziemnyja pierachody, a ciahniki buduć chadzić biez spynieńnia».
Staršynia hramadskaha abjadnańnia «Centr sacyjalnaj dapamohi Niamiha'99» Natalla Navakoŭskaja ŭ ciskaninie 30 traŭnia 1999 h. straciła 16-hadovuju dačku Alaŭcinu. «Nami hetaja trahiedyja nie zabytaja. A z boku ŭładaŭ da nas była ŭvaha na praciahu pieršych dvuch hadoŭ — byli lhoty, biaspłatny prajezd, leki, a paśla heta ŭsio skončyłasia. Ciapier amal nichto nie zhadvaje. Chacia pa-roznamu byvaje. Mama Dzimy Korzuna ź Śvietłahorska paśla jaho hibieli zastałasia adna z unukam. Jana nie skardzicca na adsutnaść uvahi, bo joj apiakujecca miascovy harvykankam. Časam baćki sami vinavatyja. Zamykajucca ŭ sabie. Ale my źbirajemsia razam, u hetym hodzie ŭžo było dva schody. Prychodzim da mietro, na dni narodzinaŭ svaich dziaciej na sustrakajemsia na mohiłkach. Siońnia treba iznoŭ ahučvać hetaje pytańnie.
Nikoha nie chočacca pakryŭdzić.
Našych dziaciej tudy zavabili konkursami, a potym pačali kazać, što nichto i nie klikaŭ ich, maŭlaŭ, sami pryjšli. I dahetul takoje kažuć.
Biezumoŭna, Niamiha stała adpraŭnoj kropkaj. Ciapier niama ŭžo piŭnych śviataŭ, padobnych tamu, pasiarod horadu, usio bolš na prastory, za horadam. Stancyi mietro ŭ miescach masavych mierapryjemstvaŭ začyniajucca. Choć ja i nie chadžu bolš na takija mierapryjemstvy».
Aleh Vołčak, pravaabaronca, na momant trahiedyi ŭznačalvaŭ hramadskaje abjadnańnie «Pravavaja dapamoha nasielnictvu», aktyŭna dapamahaŭ rodnym zahinułych u padziemnym pierachodzie stancyi mietro «Niamiha». «Paśla trahiedyi ŭ časie śledstva była zroblenaja dobraja ekśpiertyza, byli praanalizavanyja dziejańni arhanizataraŭ i pravaachoŭnych orhanaŭ.
Ekśpiertyza pakazała, što arhanizavanaja biaśpieka była słaba. Hałoŭnaj našaj pieramohaj stała toje, što ŭ sudzie było dakazana, što vinoj 53 zahublenych žyćciaŭ byŭ nie doždž, jak nastojvali ŭłady, a niadbajnaść.Ja zbolšaha adsočvaju, jak arhanizoŭvajucca masavyja mierapryjemstvy ŭ stalicy siońnia. 4 lipienia 2008 h. pakazaŭ, što pa-raniejšamu našyja siłaviki nie navučylisia dziejničać u nadzvyčajnych situacyjach. I heta nie dziŭna, bo ŭsie resursy iduć na kštałtavańnie baraćby ź inšadumstvam. Heta źnižaje davier ŭ hramadstvie da zdolnaści ŭłady zabiaśpiečyć biaśpieku na masavych mierapryjemstvach.
Ničoha nie źmianiłasia i ŭ płanie kampiensacyi maralnych i materyjalnych vydatkaŭ achviaraŭ trahiedyjaŭ.Tyja z našych suajčyńnikaŭ, što letaś atrymali ranieńni ŭ vyniku vybuchu 4 lipienia, faktyčna na ŭsio žyćcio zastajucca z hetaj traŭmaŭ. U paraŭnańni z hetym faktam atrymanaja imi kampiensacyja prosta śmiešnaja».
Byłoha supracoŭnika kontrraźviedki KDB aryštavali za zdradu dziaržavie9
Kamientary