Rasija pradoŭžyć akazvać Biełarusi finansavuju, u tym liku kredytnuju, padtrymku,
zajaviŭ premjer-ministr Rasii Uładzimir Pucin na pres-kanfierencyi pa vynikach pasiadžeńnia Savieta ministraŭ Sajuznaj dziaržavy 28 maja ŭ Minsku.
Jon zaznačyŭ, što pramaja finansavaja padtrymka «našym biełaruskim siabram» užo akazvajecca, i nahadaŭ, što ŭ kancy 2007 hoda Rasija vydzieliła Biełarusi kredyt u pamiery 1,5 młrd. dalaraŭ ZŠA, u kancy 2008 hoda — jašče 1 młrd. dalaraŭ, u pačatku hetaha hoda — 500 młn. dalaraŭ.
«My razhladajem mahčymaść i dalej pradoŭžyć hetuju pracu ŭ takim ža rečyščy i takim ža režymie. Viadoma, budziem z našymi partniorami raicca, uzvažvać stanovišča, ale ŭ cełym hetaje supracoŭnictva ŭ hrašova-kredytnaj śfiery budzie pradoŭžana.Buduć taksama pradoŭžanyja kansultacyi pamiž Centralnym bankam Rasii i Nacbankam Biełarusi», — skazaŭ U.Pucin.
Jon taksama prakamientavaŭ zajavu vice-premjera — ministra finansaŭ Rasii Alaksieja Kudryna, jaki zajaviŭ u Minsku ab mahčymaj niepłaciežazdolnaści Biełarusi pa kredytach užo da kanca hetaha hoda. Pavodle mierkavańnia U.Pucina, niejkija krajnija adznaki niedarečnyja. U suviazi z hetym jon pracytavaŭ vykazvańnie viadomaha amierykanskaha piśmieńnika Marka Tviena: «Čutki pra maju śmierć vielmi pierabolšanyja».
Pavodle słoŭ kiraŭnika rasijskaha ŭrada, A.Kudryn mieŭ na ŭvazie toj fakt, što za apošnija piać-šeść miesiacaŭ Biełaruś atrymała značny abjom kredytaŭ — bolš za 3 młrd. dalaraŭ ZŠA.«I jon źviarnuŭ našu ŭvahu padčas abmierkavańniaŭ na toje, što my pavinny bolš nadać uvahi raźvićciu realnaha siektara ekanomiki, kab naša finansavaje supravadžeńnie adkazvała realijam siońniašniaha dnia z ulikam kryzisnych źjaŭ u suśvietnych finansach i suśvietnaj ekanomicy», — rastłumačyŭ U.Pucin.
«Naš ministr finansaŭ — čałaviek libieralnych pohladaŭ. Jon prosta ŭsim nam kaža jašče raz, što hrašova-kredytnaja palityka pavinna ŭzhadniacca z karektyvami, jakija my ŭsie pavinny ŭnosić u našu ekanamičnuju palityku, asabliva va ŭmovach kryzisu», — zajaviŭ U.Pucin.
U cełym, pavodle jaho słoŭ, Rasija zaŭsiody dapamoža Biełarusi. «Što b ni adbyvałasia ŭ suśvietnaj ekanomicy, kali spatrebicca Biełarusi plačo, Rasija zaŭsiody heta zrobić», — skazaŭ U.Pucin.
«Kałaŭra my nie pakryŭdzili»: stała viadoma pra novaje miesca pracy byłoha staršyni Nacbanka3
Kamientary