Dniom 10 studzienia ŭ pasiołku Družny, što ŭ Puchavickim rajonie, źnik 10-hadovy chłopčyk. Cieła dziciaci znajšli ŭ luku, zapoŭnienym vadoj.
SK u svaim telehram-kanale piša pra abstaviny zdareńnia.
Chłopčyk pajšoŭ katacca z horki ŭ lesie ŭ susiednim pasiołku Śvisłač z 14-hadovaj dziaŭčynkaj. Jana viarnułasia dadomu, a chłopčyk — nie. Baćki zabili tryvohu, baćka pačaŭ pošuki.
Na miesca pryjechała śledčaja hrupa, supracoŭniki milicyi i ratavalniki.
Viečaram ratavalnikami ŭ nieekspłutavanym ačyščalnym kałodziežy naviersie horki paśla adpampoŭki vady było znojdziena cieła małoha. Tam ža była jaho šapačka, a pobač z kałodziežam znachodzilisia kurtka i płastykavaja ladzianka.
Śledčyja taksama źviartajuć uvahu baćkoŭ:
— navučycie dziaciej praviłam biaśpieki pry katańni na sankach, ciubinhach;
— kantralujcie miesca dziciačych hulniaŭ zimoj i nie vypuskajcie małych z pola zroku.
Zahinuŭ biełaruski dobraachvotnik Vasil «Dzir» Rapicki11
Kamientary