Narodny paet Ryhor Baradulin daje nam majstar-kłas pa napisańni listoŭ da maci.
Narodny paet Ryhor Baradulin daje nam majstar‑kłas pa napisańni listoŭ da maci ŭ rasstańni. «Całuju tvaje ručki, tvaje zainieŭšyja skroni», «ziamnym pakłonam kłaniajusia tabie», «ziaziuleńka maja baravaja, ziaziuleńka šeraja»… Słodyč biez saładžavaści, sakavitaść biez daŭkaści. Miod i jabłyki. Syny i dački, hetak pišycie svaim matkam!
Jak usiaki syn svajoj maci, u listach trochi kazyrycca i farsunicca, užyvaje drobnyja chitryki, ale heta, moža być, adzin z tych redkich vypadkaŭ, kali chłuśnia darečy. Što treba jana zrazumieje. Jak žartam jana piša ŭ adnym liście paśla čarhovaj synavaj bravady: «Nu, kamu ž tady sałhać, kali nie mamie?!»
«Moj synok, jakaja ja ščaślivaja taboj…» Sučaśniki śviedčać, što paetyčnaha zarad u Kuliny Andrejeŭny Baradulinaj, byŭ, moža, i macniejšy, čym u samaho dziadźki Ryhora. Heta kniha nie dla baćkoŭ: im nie treba vučycca pisać da svaich dziaciej.
A jašče ŭsiakaje listavańnie – hołas epochi, i tamu tut listy maładziona, jaki ź nievialikaha miastečka Vušačy pajechaŭ u vialiki śviet, ahromnisty Minsk — heta žyvyja śviedčańni z 50‑70 hadoŭ XX stahodździa, z časoŭ masavaj mihracyi vioski, momant vialikaha biełaruskaha razryvu, kali kraina, na dabro ci na škodu, zbolšaha stała takoj, jakoj my jaje viedajem siońnia.
Da listavańnia daścipnuju pradmovu, jakaja pačynajecca słovami «SMS, je‑mail…», napisaŭ Uładzimir Niaklajeŭ.
Pasłaŭ by tabie dušu… Listavańnie Ryhora Baradulina z mamaj (1954-1971). - Minsk: Limaryus, 2009. – 274s. 500 as.
«Dyk dadomu zabiary ałkaša abascanaha i vychodžvaj». Małady zahadčyk adździaleńnia balnicy nie strymlivaje siabie ŭ vyrazach u sacsietkach24
Kamientary