«Nibyta za prodaž niezarehistravanaj simvoliki». Zatrymali žonku ŭładalnika kramy «Moj modny kut»
Siońnia stała viadoma, što milicyja zatrymała žonku ŭładalnika kramy z nacyjanalnaj simvolikaj «Moj modny kut» Alenu Jesipionak.
Napiaredadni ŭ kramu prychodziła pravierka z MNS. Supracoŭniki vypisali pradprymalnikam kuču parušeńniaŭ, jany pavinny byli začynicca dla ich likvidacyi.
«Siońnia ja pajechaŭ davać pakazańni ŭ Adździeł pa baraćbie z ekanamičnymi złačynstvami, a mnie paviedamili, što žonku zatrymali prosta ŭ kramie. Ludzi, jakija byli ŭ handlovym centry, raskazali, što Alena pytałasia ŭ tych, chto jaje zatrymlivaŭ: «Za što vy mianie zabirajecie?» Adkazali, što nibyta za prodaž niezarehistravanaj simvoliki. Pry hetym u nas kanfiskavali rečy z Pahoniaj. Jaje pavieźli ŭ Saviecki RAUS», — raskazaŭ «NN» uładalnik kramy.
Ciapier Valeryj terminova jedzie zaklučać damovu z advakatam i pieražyvaje za dziaciej: ich u siamji Jesipionkaŭ dvoje.
«Navošta jaje zabrali i čamu, nie viedaju», — kaža Valeryj.
Ciapier čytajuć
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki27
Kamientary