Janukoviču vystavili novaje abvinavačvańnie ŭ dziaržaŭnaj zdradzie za damoŭlenaści z Rasijaj
Byłomu prezidentu Ukrainy vystaŭlena abvinavačvańnie ŭ dziaržaŭnaj zdradzie ŭ suviazi z padpisańniem u 2010 hodzie z Rasijaj pahadnieńnia pa pytańniach znachodžańnia Čarnamorskaha fłotu ŭ Krymie. Pra heta paviedamili ŭ pres-słužbie Dziaržaŭnaha biuro rasśledavańniaŭ Ukrainy (DBR), piša RBK.
Śledčyja ličać, što damoŭlenaści nanieśli škodu suvierenitetu, terytaryjalnaj cełasnaści i niedatykalnaści Ukrainy, a taksama dziaržaŭnaj i ekanamičnaj biaśpiecy krainy. Taksama ŭ viedamstvie adznačyli, što z pryčyny padpisańnia pahadnieńniaŭ «byŭ pavialičany asabisty skład vojskaŭ i vajskovaj techniki Uzbrojenych Sił RF na terytoryi Ukrainy zamiest padrychtoŭki da ich pamianšeńnia i vyvadu» z krainy.
21 krasavika 2010 Ukraina i Rasija padpisali ŭ Charkavie pahadnieńnie ab umovach znachodžańnia Čarnamorskaha fłotu Rasii ŭ Krymie. Raźmiaščeńnie fłotu było ŭzhodnienaje da 2042 hoda ŭ abmien na źnižeńnie cany rasijskaha hazu na 30%.
Janukovič byŭ prezidentam Ukrainy z 2010 pa 2014 hod. Paśla Jeŭramajdana jon źbieh u Rasiju. Va Ukrainie suprać jaho raspačatyja niekalki kryminalnych spraŭ. Pa adnoj ź ich u 2019 hodzie eks-prezidenta zavočna prysudzili da 13 hadoŭ pazbaŭleńnia voli za dziaržaŭnuju zdradu i dapamohu ŭ viadzieńni ahresiŭnaj vajny.
Ciapier čytajuć
Łukašenka patłumačyŭ, čamu jaho nie vidać pa sieradach i subotach20
Łukašenka patłumačyŭ, čamu jaho nie vidać pa sieradach i subotach
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary