Žurnalistki «Biełsata» Kaciaryna Andrejeva i Darja Čulcova asudžanyja na dva hady kałonii za strym
Taki prysud vynies siońnia sud Frunzienskaha rajona Minska.
Sudździoj na pracesie była Natalla Buhuk, dziaržabvinavaŭcaj — Alina Kaśjančyk.
— Ci zrazumieły vam prysud? — udakładniła sudździa.
— Za što heta? Čamu adrazu nie 25 hadoŭ? — spytali Darja i Kaciaryna.
Pa rašeńni suda, rečavyja dokazy — čatyry štodziońniki, nalepki, ściah — pavinny źniščyć. A techniku i kamizelki z nadpisam «Presa» — kanfiskavać.
Dyktafon, noŭtbuki, płejer, fotaaparat, niekatoryja telefony, hrašovyja srodki — ad aryštu pavinny vyzvalić i pieradać Andrejeievaj i Čulcovaj.
Kaciaryna i Darja 15 listapada 2020-ha viali strym z płoščy Pieramienaŭ, dzie ludzi sabralisia, kab ušanavać pamiać pamierłaha paśla źbićcia Ramana Bandarenki.
Andrejevu i Čulcovu pryznali vinavatymi pavodle č. 1 art. 342 KK RB (Arhanizacyja i padrychtoŭka dziejańniaŭ, jakija hruba parušajuć hramadski paradak).
Pramova hetaha minskaha vypusknika na liniejcy ŭ 2020-m uzarvała internet. Što z chłopcam ciapier?3
Kamientary