Ab hetym jon zajaviŭ siońnia, razmaŭlajučy z artystami ŭ Kupałaŭskim teatry, piša BiełTA.
«Ja liču, što nacyjanalizm — heta nie bałbatnia na «movie». A heta rabić toje, što zastaniecca ŭ pamiaci. Ja zaŭsiody imknusia da taho, kab u nas byli peŭnyja tradycyi», — skazaŭ jon.
U jakaści takich tradycyj Biełarusi jak suvierennaj dziaržavy Alaksandr Łukašenka zhadaŭ štohadovy zvarot z pasłańniem da parłamienta i naroda. Raz u piać hadoŭ pravodzicca Usiebiełaruski schod.
«Vy taksama stali dobraj, navat nie tradycyjaj, vy — simvał našaha naroda. Tamu zaŭsiody treba stvarać toje, što ciabie budzie adroźnivać ad inšych. I ŭ hetym budzie dobry nacyjanalizm, za što mianie ŭ Rasii časam krytykujuć i paprakajuć. Ale ja kažu: ja ž prezident Biełarusi. Pry ŭsioj lubovi da rasijanaŭ, ja — prezident Biełarusi. Tamu ja budu rabić usio, što treba našym biełarusam, toje, što nas budzie adroźnivać. Ad ruskich taksama», — skazaŭ jon.
Łukašenka ličyć, što bahaćcie naroda Biełarusi zaklučajecca ŭ tym liku ŭ viedańni dźviuch moŭ — ruskaj i biełaruskaj. I ad hetaj spadčyny ni ŭ jakim vypadku nielha admaŭlacca, upeŭnieny jon.
«Nikoli nie śpiašajciesia. Asabliva tvorčyja rabotniki i palityki. My nie majem prava na hetuju śpiešku, — paraiŭ Alaksandr Łukašenka. — My pavinny akuratna vieści palityku na hetym kavałku ziamli. Heta naša, my bolšaha nie prosim. Ale my milimietra nikomu nie addamo».
Jon taksama vykazaŭsia pra finansavy bok pracy teatra, adznačyŭšy, što kalektyŭ u tym liku pavinien sam udzielničać u raźmierkavańni atrymanych srodkaŭ. Naturalna, padstavić plačo i dziaržava. «Usie srodki, jakija vy atrymajecie, — heta buduć vašy srodki, vaš prybytak. Ja vam skažu, jak budzie nie z hetaha hoda, a z 2022 hoda: što vy zarobicie — pazabiudžet — stolki my vam ź biudžetu damo», — skazaŭ jon.
Pavodle jaho słoŭ, kaliści jon uvioŭ padobnuju schiemu finansavańnia kłubaŭ i fiederacyj u sporcie: «Zarabili $2 młn — $2 młn dadali biudžetnych. Piać zarabili — piać damo».
«Vy pavinny vyjści na hetu raŭnavahu. I ŭ vas budzie niejkaje žadańnie zarablać. Ale vašy hrošy buduć u vas», — skazaŭ Łukašenka.
Nahadajem, što bolšaść akcioraŭ zvolnilisia z teatra ŭ žniŭnia, pratestujučy suprać zvalnieńnia hiendyrektara Paŭła Łatuški. Tady ŭ trupie zastałosia kala dziasiatka čałaviek. Tady było skazana, što ŭ teatry pravodzicca kastynh novych akcioraŭ. Siońnia na scenie budynka Kupałaŭskaha teatra Łukašenku pakazali «Paŭlinku».
Ciapier čytajuć
Raźviedka ZŠA: Biełaruś stała pieradavym vajskovym płacdarmam Rasii16
Kamientary