Novy etap «hałasavoj revalucyi»: hałasavyja pamočniki vučacca razumieć nietypovaje maŭleńnie

Google — adna z technałahičnych kampanij, jakaja sprabuje navučyć svaich hałasavych pamočnikaŭ razumieć kožnaha. Hety prajekt pryciahvaje šmat inviestycyj, bo ludzi z dyzartryjaj, što časta raźvivajecca ŭ vyniku cerebralnaha paralušu, puchliny hałaŭnoha mozhu ci chvaroby Parkinsana, źjaŭlajucca toj hrupaj ludziej, dla jakoj technałohii raspaznavańnia hołasu buduć nadzvyčaj karysnymi.

Pradstaŭniki kampanii pierakananyja, što dla chvorych na cerebralny paraluš abo tych, chto pierasoŭvajecca ŭ invalidnym vazku, mahčymaść kantralavać hołasam navakolnuju prastoru moža stać niezamiennaj u štodzionnym žyćci, piša The Wall Street Journal.

Mienavita tamu Google raspačała inicyjatyvu pa zbory źviestak nietypovaha maŭleńnia, kab udaskanalić svaje technałohii raspaznavańnia hołasu. Prajekt Google Project Euphonia nakiravany na toje, kab stvaryć mabilny dadatak, praź jaki ludzi z parušeńniami maŭleńnia mahli b kiravać Google Assistant.

Akramia hetaha, zdolnaść hałasavych pamočnikaŭ razumieć ludziej z parušeńniami maŭleńnia moža paspryjać bolš šyrokamu vykarystańniu takich technałohij siarod pažyłych ludziej, jakija bolš schilnyja da dehienieratyŭnych zachvorvańniaŭ, što ŭpłyvajuć na maŭleńnie.

Udaskanalić svaje hałasavyja pamočniki imkniecca taksama i Amazon. U śniežni kampanija pačała supracoŭničać ź izrailskimi raspracoŭščykami dadatku Voicett. Dadatak analizuje artykulacyjnyja asablivaści kožnaha asobnaha čałavieka, a paśla moža pierakładać nierazborlivaje maŭleńnie ŭ zrazumiełyja ŭsim słovy. Takaja intehracyja ŭ chutkim časie dazvolić ludziam z parušeńniami maŭleńnia karystacca hałasavym pamočnikam Alexa, jaki naležyć Amazon.

Apple zajaviła, što funkcyja Hold to Talk, jakuju kampanija stvaryła jašče ŭ 2015 hodzie, užo dazvalaje karystalnikam kantralavać, jak doŭha jany chočuć, kab hałasavy pamočnik Siri ich słuchaŭ. Tym samym technałohija nie pierapyniaje karystalnikaŭ, jakija zaikajucca.

Ciapier Apple imkniecca, kab pryłady aŭtamatyčna vyznačali ludziej z zaikańniem. Dla hetaha kampanija sabrała 28000 aŭdyja z padkastami ludziej, jakija zaikajucca. Na asnovie hetych źviestak buduć udaskanalvacca hałasavyja pamočniki ad Apple.

Pieršyja hałasavyja pamočniki stali dastupnyja 10 hadoŭ tamu. Ich raźvićcio dajecca nie tak prosta. Ale, miarkujučy pa ŭsim, praź niekalki dziesiacihodździaŭ čałaviek budzie kamandavać hołasam bytavoj technicy, i teksty na kampjutary my budziem nie drukavać, a nadyktoŭvać.

• 0
• 0
• 0
• 0
• 0
• 0
• 0
• 0