Nam zaŭsiody kažuć pra toje, što niedasyp škodzić zdaroŭju. A što nakont zadoŭhaha snu?
Bolšaść zdarovych darosłych śpiać nočču pa 7-9 hadzin. Adnak, zhodna z sumiesnymi rekamiendacyjami Amierykanskaj akademii miedycyny snu i Tavarystva daśledavańnia snu, niekatorym ludziam moža spatrebicca bolš za 9 hadzin načnoha adpačynku. Havorka pierš za ŭsio pra moładź, tych, chto doŭhi čas byŭ pazbaŭleny dastatkovaj kolkaści snu, i ludziej z roznymi chvarobami, piša Huffington Post.
Pierasypańniem zvyčajna ličać son, daŭžejšy za 9-10 hadzin. Bolšaść navukoŭcaŭ źviazvajuć jaho z ryzykaj dla zdaroŭja i niebiaśpiekaj uźniknieńnia takich chvarob, jak insult, atłuścieńnie, depresija, dyjabiet, chvaroby serca i demiencyja. Ale niezrazumieła, što źjaŭlajecca pieršasnym: pierasypańnie vyklikaje chvaroby, abo čałaviek šmat śpić praz najaŭnaść chvarob.
Ekśpierty schilajucca da druhoha varyjanta. Džejd Vu, psichołah snu i daśledčyk amierykanskaha Univiersiteta Djuka, nahadvaje, što niekatoryja niejradehienieratyŭnyja chvaroby, jak i depresija, prymušajuć nas adčuvać drymotnaść na praciahu dnia.
Dyk ci treba chvalavacca, kali vy zaŭsiody śpicie pa 9-10 hadzin? Nie abaviazkova, tym bolš kali vy adčuvajecie ranicaj, što vy dobra adpačyli. Ale, kali jość inšyja pryčyny naviedać doktara, mahčyma, varta raskazać jamu i pra pierasypańnie.
Kali ž vy adčuvajecie, što, niahledziačy na vialikuju kolkaść snu, vam nie chapaje adpačynku, tym bolš treba pahutaryć z doktaram. Kožnamu patrebna svaja kolkaść načnoha adpačynku, ale jaho dobraja jakaść važnaja dla ŭsich.
Naš son mohuć pahoršyć niekatoryja chvaroby, a taksama pabočnyja efiekty ad lekaŭ. Stres, drenny nastroj, adčuvańnie nudy i małaruchomy ład žyćcia taksama mohuć prymušać nas adčuvać siabie stomlenymi navat pry dastatkovaj kolkaści snu.
Jość niekalki sposabaŭ palepšyć svoj son. Možna pasprabavać kłaścisia spać i pračynacca zaŭsiody ŭ toj ža samy čas, atrymlivać bolš soniečnaha śviatła, pavialičyć kolkaść fizičnaj aktyŭnaści i kamunikacyi ź inšymi ludźmi, a taksama bolš adpačyvać.
-
Biełarusy pajšli na toj samy «Dom-2» — ich zaklikajuć nie hańbicca i jechać dachaty
-
«Na jakim rejsie jon čaściej za ŭsio?» U siecivie zavirusiŭsia pryhožy ściuard «Biełavii»
-
Polski treveł-błohier, jaki padarožničaŭ pa Biełarusi i Rasii, raskazaŭ pra chejt, reputacyjnyja straty i ŭražańni ad pajezdki
Ciapier čytajuć
«Patrabavali, kab ja z kalehami pry dzieciach pa-biełarusku nie razmaŭlała». Ci sutykajucca biełaruskamoŭnyja z bulinham u krainie6
Kamientary