Śledčy kamitet zaviaršyŭ rasśledavańnie kryminalnaj spravy ŭ dačynieńni da administrataraŭ i aktyŭnych udzielnikaŭ telehram-kanała kiroŭcaŭ i čataŭ z padobnymi nazvami. Pra heta paviedamlaje pres-słužba viedamstva.
Tam paviedamili, što ŭ žniŭni minułaha hoda troje žančyn i mužčyna «ŭstanavili kantakt z administratarami i ŭładalnikami roznych telehram-kanałaŭ i čataŭ z padobnymi nazvami i pačali pošuk saŭdzielnikaŭ dla dalejšaj arhanizacyi hrupavych dziejańniaŭ, jakija hruba parušajuć hramadski paradak».
Jak ustaloŭvaŭsia kantakt i čamu paśla hetaha jany atrymali pravy administrataraŭ u adkrytych i zakrytych čatach, nie paviedamlajecca. Ale, jak adznačaje SK, u administravanych imi čatach i hrupach jany stali zaklikać «da błakavańnia aŭtadaroh, paškodžańnia śpiectranspartu, zabastovak i dziejańniaŭ, jakija parušajuć pracu hramadskaha transpartu».
U SK taksama paviedamili, što kampanija znachodziła siarod padpisčykaŭ kanałaŭ i ŭdzielnikaŭ čataŭ dziejučych i byłych pravaachoŭnikaŭ i vajskoŭcaŭ i prapanoŭvała im pryniać udzieł u biesparadkach i dzialicca ŭ čacie infarmacyjaj.
Mužčyna i žančyny byli zatrymanyja vosieńniu. Padčas dopytaŭ jany rastłumačyli, što byli niezadavolenyja chodam vybarčaj kampanii.
Im vystaŭlena abvinavačvańnie pa č. 1 i č. 2 art. 342 (arhanizacyja i padrychtoŭka dziejańniaŭ, jakija hruba parušajuć hramadski paradak) KK Biełarusi. Maksimalny termin, jaki jany mohuć atrymać — try hady pazbaŭleńnia voli. Da troch abvinavačanych z sankcyi prakurora prymieniena miera strymańnia ŭ vyhladzie zaklučeńnia pad vartu, da jašče adnoj žančyny — u vyhladzie padpiski ab niavyjeździe i naležnych pavodzinach.
Materyjały pieradadzienyja prakuroru dla nakiravańnia ŭ sud.
Ciapier čytajuć
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju44
Kamientary