Следчы камітэт завяршыў расследаванне крымінальнай справы ў дачыненні да адміністратараў і актыўных удзельнікаў тэлеграм-канала кіроўцаў і чатаў з падобнымі назвамі. Пра гэта паведамляе прэс-служба ведамства.
Там паведамілі, што ў жніўні мінулага года трое жанчын і мужчына «ўстанавілі кантакт з адміністратарамі і ўладальнікамі розных тэлеграм-каналаў і чатаў з падобнымі назвамі і пачалі пошук саўдзельнікаў для далейшай арганізацыі групавых дзеянняў, якія груба парушаюць грамадскі парадак».
Як усталёўваўся кантакт і чаму пасля гэтага яны атрымалі правы адміністратараў у адкрытых і закрытых чатах, не паведамляецца. Але, як адзначае СК, у адміністраваных імі чатах і групах яны сталі заклікаць «да блакавання аўтадарог, пашкоджання спецтранспарту, забастовак і дзеянняў, якія парушаюць працу грамадскага транспарту».
У СК таксама паведамілі, што кампанія знаходзіла сярод падпісчыкаў каналаў і ўдзельнікаў чатаў дзеючых і былых праваахоўнікаў і вайскоўцаў і прапаноўвала ім прыняць удзел у беспарадках і дзяліцца ў чаце інфармацыяй.
Мужчына і жанчыны былі затрыманыя восенню. Падчас допытаў яны растлумачылі, што былі незадаволеныя ходам выбарчай кампаніі.
Ім выстаўлена абвінавачванне па ч. 1 і ч. 2 арт. 342 (арганізацыя і падрыхтоўка дзеянняў, якія груба парушаюць грамадскі парадак) КК Беларусі. Максімальны тэрмін, які яны могуць атрымаць — тры гады пазбаўлення волі. Да трох абвінавачаных з санкцыі пракурора прыменена мера стрымання ў выглядзе заключэння пад варту, да яшчэ адной жанчыны — у выглядзе падпіскі аб нявыездзе і належных паводзінах.
Матэрыялы перададзеныя пракурору для накіравання ў суд.
Цяпер чытаюць
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»13
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары