Sud nad palitviaźniem Paŭłaŭcom pieraniesieny — nie źjaviŭsia śviedka Alaksandr Alaksandravič Alaksandraŭ
U sudzie Savieckaha rajona Minska ŭ paniadziełak pavinien byŭ praciahnucca razhlad kryminalnaj spravy Kiryła Paŭłaŭca, jakomu vystavili abvinavačvańnie pa art. 342 KK (Arhanizacyja i padrychtoŭka dziejańniaŭ, jakija hruba parušajuć hramadski paradak, albo aktyŭny ŭdzieł u ich), paviedamlaje spring96.org.
Kirył Paŭłaviec byŭ zatrymany 4 kastryčnika paśla «Maršu vyzvaleńnia palitviaźniaŭ». Kali jon byŭ užo doma, jamu patelefanavali ź nieznajomaha numara, paprasili vyjści va dvor i adahnać mašynu. Tam jaho i zatrymali ludzi ŭ bałakłavach.
Na nastupny dzień byŭ sud. Jaho abvinavacili va ŭdziele ŭ niesankcyjanavanym mierapryjemstvie (artykuł 23.34) i ŭ niepadparadkavańni rabotnikam milicyi (23.4). Prysudzili 14 sutak. Ale na volu jon tak i nie vyjšaŭ. Była zaviedzienaja kryminalnaja sprava, z Akreścina jaho pieraviali ŭ SIZA na Vaładarskaha.
Zhodna z vytaŭlenym abvinavačvańniem, Kirył Paŭłaviec 30 žniŭnia na płoščy Svabody zaklikaŭ da ŭdiełu ŭ masavych mierapryjemstvach. Pieraškodziŭ svaimi dziejańniami pracy transpartu, asabliva aŭtobusam.
Taksama 9 žniŭnia — na praśpiekcie Dziaržynskaha, vuł. Puškina, Žukava znoŭ pieraškadžaŭ ruchu transpartu i spyniaŭ ich narmalnuju pracu.
Na papiarednim sudovym pasiadžeńni prakuror chadajničaŭ ab vykliku ŭ sud užo viadomaha pa mnohich pracesach śviedki — supracoŭnika Centralnaha RUUS Minska Alaksandrava Alaksandra Alaksandraviča.
Adnak na siońniašniaje pasiadžeńnie śviedka tak i nie źjaviŭsia.
Abvieščany pierapynak da 30 sakavika.
Ciapier čytajuć
Andrej Švied, architektar represij, pryznačany staršynioj Viarchoŭnaha suda13
Kamientary