Cichanoŭskaja źviarnułasia da mižnarodnych lidaraŭ z prośbaj padtrymać Kaardynacyjnuju radu
«Siońnia razam sa Śviatłanaj Aleksijevič i 55 členami asnoŭnaha składu Kaardynacyjnaj rady ja nakiravała list u mižnarodnyja arhanizacyi i struktury, u tym liku — AAN, ABSIE, Jeŭraparłamient, Dziarždepartamient ZŠA i Radu Jeŭropy, z zaklikam vystupić u padtrymku KR», — paviedamlajecca ŭ jaje telehram-kanale.
«Z momantu stvareńnia siabry KR padviarhalisia cisku i represijam, mnohija jaho lidary — u turmie abo vymušana znachodziacca nie ŭ Biełarusi, a značyć nie mohuć hałasavać pry pryniaćci rašeńniaŭ».
Cichanoŭskaja zaznačaje, što apošnija tydni pačali ŭvodzicca novyja «zakony», jakimi sprabujuć apraŭdać represii. Suprać členaŭ KR zavodziać kryminalnyja spravy, abvinavačvajuć u ekstremiźmie i teraryźmie.
«Usio, čaho my chočam, — heta mirnaje vyrašeńnie palityčnaha kryzisu ŭ Biełarusi. Mienavita za heta biełarusy hałasavali na prezidenckich vybarach 9 žniŭnia. I mienavita za heta bolš za 760 000 biełarusaŭ prahałasavali na płatformie «Hołas», — kaža jana i prosić mižnarodnuju supolnaść padtrymać Kaardynacyjnuju radu.
-
U Baranavičach vylepili sa śniehu vialikaha kania ŭ palito FOTAFAKT
-
Pamiatajecie biełarusku, jakaja žyła i viała biznes u Litvie, ale nienavidzieła krainu? Daviedalisia, što z fanatkaj Łukašenki ciapier
-
«Pakul nie źniali tyktok — nichto nie varušyŭsia». Jak biełarusy vyrašajuć kamunalnyja prablemy praz ahałosku
Kamientary