Pra heta zajaviŭ namieśnik kiraŭnika administracyi prezidenta RF Dźmitryj Kozak. Jaho cytuje RIA Naviny.
«Usio zaležyć ad taho, jaki maštab budzie pažaru. Kali tam budzie, jak kaža naš prezident, zroblena Crebranica [Bośnija], mabyć, vymušanyja budziem ustać na abaronu», — rastłumačyŭ Kozak.
Pavodle jaho słoŭ, na Danbasie znachodziacca «zahartavanyja ŭ bajach uzbrojenyja farmavańni», jakija zdolnyja trymać abaronu, tamu nieabchodnaść abarony pakul nie ŭźnikaje. Adnak usio zaležyć ad druhoha boku, adznačyŭ namieśnik kiraŭnika administracyi prezidenta».
Pačatak bajavych dziejańniaŭ na Danbasie moža stać pačatkam kanca Ukrainy, papiaredziŭ jon.
Krychu raniej Uładzimir Pucin pravioŭ telefonnuju razmovu z kancleram FRH Anhiełaj Mierkiel. Padčas razmovy baki siarod inšaha vykazali zaniepakojenaść rostam napružanaści na paŭdniovym uschodzie Ukrainy.
Pucin źviarnuŭ uvahu na «pravakacyjnyja dziejańni Kijeva, jaki apošnim časam metanakiravana abvastraje abstanoŭku na linii sudakranańnia. Padkreślena nieabchodnaść niaŭchilnaha vykanańnia kijeŭskimi ŭładami raniej dasiahnutych damoŭlenaściaŭ, pierš za ŭsio pa naładžvańni pramoha dyjałohu z Danieckam i Łuhanskam i pravavomu afarmleńniu asobnaha statusu Danbasa».
U Bierlinie raspaviali svaju viersiju pieramovaŭ Pucina i Mierkiel.
Anhieła Mierkiel zaklikała Uładzimira Pucina admovicca ad naroščvańnia vajennaj prysutnaści na miažy z Ukrainaj. Pra heta, jak paviedamlaje vydańnie Berliner Sonntagsblatt, zajaviła namieśnica staršyni ŭrada Ulryka Demier.
Jana taksama paćvierdziła, što kancler i prezident abmierkavali situacyju ŭ Siryi, Livii, Bośnii i Hiercahavinie, taksama «spravu Alaksieja Navalnaha».
Ukraina bje tryvohu nakont naroščvańnia rasijskaj vajskovaj prysutnaści na miažy. Asablivuju tryvohu vyklikaje ton rasijskaj prapahandy: šmatlikija rasijskija ŚMI, u tym liku aficyjoznyja, padajuć spravu tak, niby heta Ukraina rychtuje napad na Rasiju. Niekatoryja analityki miarkujuć, što pakazalnaje «pakarańnie» Ukrainy moža być asimietryčnaj pomstaj Bajdenu za žorstkuju charaktarystyku, jakuju prezident ZŠA daŭ Uładzimiru Pucinu. Nahadajem, što Bajden na pytańnie, ci ličyć jon Pucina zabojcam, adkazaŭ «tak».
Ciapier čytajuć
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR5
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary