Vitala Ščerbiča asudzili na čatyry hady kałonii ŭzmocnienaha režymu. U jaho znajšli piratechničnyja vyraby i dzieviać «vožykaŭ»
9 krasavika ŭ sudzie Zavodskaha rajona ahučyli prysud palitźniavolenamu Vitalu Ščerbiču, jakoha vinavacili ŭ padrychtoŭcy da masavych biesparadkaŭ u Minsku — č. 1 art. 13 i č. 2 art. 293 Kryminalnaha kodeksa, paviedamlaje spring96.org.
Sudździa Anžeła Kaściukievič paličyła, što vina mužčyny dakazanaja, i pryznačyła jamu pakarańnie, jakoje napiaredadni zaprasiła dziaržabvinavaŭca Volha Dziendzilevič, — pazbaŭleńnie voli terminam na 4 hady va ŭmovach uzmocnienaha režymu.
Vitala Ščerbiča zatrymali 17 listapada, pry pieratrusie znajšli piratechničnyja vyraby i amunicyju dla strajkbołu, a taksama dzieviać «vožykaŭ».
Usio abvinavačvańnie mužčyny budavałasia na infarmacyi ad mabilnaha apieratara ab znachodžańni abanienckaha numara Vitala ŭ miescach praviadzieńnia mitynhaŭ u žniŭni i vieraśni 2020 hoda, telefonnaj razmovie z maci, pakinutych paviedamleńniach u telehram-čacie «Hramadzianskaja samaaabarona Biełarusi» dy kanfiskavanych rečach.
Vital Ščerbič svaju vinu nie pryznaŭ.
-
U Baranavičach vylepili sa śniehu vialikaha kania ŭ palito FOTAFAKT
-
Pamiatajecie biełarusku, jakaja žyła i viała biznes u Litvie, ale nienavidzieła krainu? Daviedalisia, što z fanatkaj Łukašenki ciapier
-
«Pakul nie źniali tyktok — nichto nie varušyŭsia». Jak biełarusy vyrašajuć kamunalnyja prablemy praz ahałosku
Raźviedka ZŠA: Biełaruś stała pieradavym vajskovym płacdarmam Rasii24
Kamientary