Na asnoŭnych minskich mohiłkach ustalavali sistemy videanazirańnia
Terytoryi ŭsich minskich mohiłak pryviedzieny ŭ paradak i hatovyja da masavych naviedvańniaŭ. Pra heta, jak pieradaje ahienctva «Minsk-Naviny», paviedamiŭ na pasiadžeńni rabočaj hrupy Minharvykankama pa pytańni ŭtrymańnia i dobraŭparadkavańnia terytoryj stalicy dyrektar UP «Śpieckambinat KBA» Mikałaj Rakievič.
— Za zimu my adramantavali amal 200 kantejnieraŭ dla adchodaŭ, minułym letam uładkavali 25 novych kantejniernych placovak ź ćviordym pakryćciom. Hetyja pracy praciahnucca i ŭ hetym hodzie, zapłanavana zrabić jašče 30 placovak. Padrychtavana śmiećcieprybiralnaja technika, dadatkova ŭ 2021-m budzie zakupleny jašče adzin kantejnieravoz dla vyvazu bujnahabarytnych jomistaściaŭ dla adchodaŭ, — raspavioŭ Mikałaj Rakievič.
Dla zručnaści ludziej, jakija žadajuć pryvieści ŭ paradak mahiły blizkich, na ŭsich mohiłkach jość punkty prakatu haspadarčaha invientara — rydlovak, hrabiel, viodraŭ i inš. Na šaści bujnych mohilnikach majucca elektronnyja terminały, jakija dapamohuć pry nieabchodnaści znajści pa imi i proźviščy miesca pachavańnia čałavieka.
Dyrektar Śpieckambinat KBA dadaŭ, što za košt srodkaŭ pradpryjemstva ŭ kancy minułaha i ŭ hetym hodzie na asnoŭnych mohiłkach ustalavanaja sistema videanazirańnia. Kolkaść kamier budzie pavialičvacca. Heta dapamoža bolš efiektyŭna kruhłasutačna kantralavać hramadski paradak u miescach pachavańnia, dziejnaść piersanału, ruch transpartu pa terytoryi i inš.
Ciapier čytajuć
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać4
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary