Adkryty samy doŭhi padviesny piešachodny most u śviecie. Jaho daŭžynia — 516 mietraŭ na vyšyni 176 mietraŭ
U Partuhalii adkryli samy doŭhi ŭ śviecie padviesny piešachodny most. Jon znachodzicca ŭ hieaparku Aroka, paviedamlaje CNN.
Daŭžynia mosta — 516 mietraŭ, jon prakładzieny nad rakoj Pajva na vyšyni 176 mietraŭ.
Padviesny most padtrymlivajecca stalovymi trosami i dvuma vializnymi V-padobnymi viežami.
Parenčy i naścił vykanany ź ćviordaj adkrytaj sietki, tamu pad saboj naviedvalniki buduć bačyć ciaśninu. Pierachod praz uvieś most zajmaje kala 10 chvilin.
Budaŭnictva mosta, sprajektavanaha partuhalskaj studyjaj, zaniało dva hady i zaviaršyłasia ŭ lipieni 2020 hoda, ale z-za pandemii adkryćcio pieranieśli amal na hod. Most kaštavaŭ 2,3 miljona jeŭra.
Dla ŭsich naviedvalnikaŭ jon adkryjecca 3 maja, ale niekatoryja miascovyja žychary ŭžo paśpieli tam prajści. Jany adznačyli, što krychu spałochalisia, stupiŭšy na most, ale nazvali taki dośvied ekstraardynarnym.
Miascovyja ŭłady ž adznačyli, što most zdolny zacikavić roznych ludziej: amataraŭ inžynieryi, znaŭcaŭ pryrody, i tych, chto lubić ekstrym. Hieapark Aroka viadomy siarod amataraŭ ekstremalnych vidaŭ sportu.
Raniej samym doŭhim padviesnym piešachodnym mostam u śviecie byŭ most Čarlza Kuoniena ŭ Šviejcaryi praciahłaściu 494 mietry, adkryty ŭ 2017 hodzie.
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary