Razumnaje adzieńnie chutka moža stać častkaj našaj paŭsiadzionnaści
Bruklinski startap Nextiles sprabuje ŭčynić revalucyju ŭ adzieńni šlacham uplacieńnia technałohij u tekstyl.
Na minułym tydni Nextiles vypuściła razumnuju tkaninu — materyjał, u jaki ŭbudavali schiemu dla zboru bijamietryčnych źviestak, piša The Washington Post.
Pakul što takaja tkanina budzie vykarystoŭvacca ŭ spartovym adzieńni. Hałoŭnaja asablivaść razumnaha adzieńnia ŭ tym, što jano dazvalaje spartoŭcam vymiarać svaju chutkaść, siłu i inšyja pakazalniki, jakija nielha atrymać ad sučasnych fitnes-branzaletaŭ i razumnych hadzińnikaŭ.
U budučyni stvaralniki chočuć prasoŭvać tkaninu na masavy rynak, kab karystalniki praz štodzionnaje adzieńnie mahli daviedacca svoj puls i dychańnie.
Pieršaja prapanova kampanii — narukaŭnik i nakaleńnik, jakija vymiarajuć miechaničnyja źmieny cieła ŭ niekalkich punktach. Heta infarmacyja moža paśla vykarystoŭvacca dla praduchileńnia traŭm i pieranapružvańnia.
Kampanija Nextiles była stvorana ŭ 2018 hodzie. Startap vykarystoŭvaje materyi z bavoŭny, poliefiru abo spandeksu, jakaja pakryvajecca nieržaviejučaj stallu. Vałokny pačynajuć dziejničać jak kabieli i tamu mohuć pieradavać sihnały. A ŭ tkaninu źmiaščajucca čujniki i maleńkija čypy Bluetooth.
Adnak Nextiles daloka nie pieršaja kampanija, jakaja ekśpierymientuje z razumnym adzieńniem.
U lutym Apple zapatentavała razumnyja huziki, jakija mohuć kiravać Apple Watch, iPhone i MacBook.
U 2018 hodzie Samsung zapatentavała płany pa stvareńni cišotki, jakaja moža źmianiać koler pa patrabavańni karystalnika.
Google raspracoŭvaje prajekt Jacquard. U miežach hetaha prajekta była raspracavanaja kurtka i adpaviedny dadatak, kab adkazvać na telefonnyja zvanki. Kurtka atrymała nieadnaznačnyja vodhuki. Tym nie mienš, technałahičny hihant praciahvaje pracavać z brendami. Letaś Google pačaŭ prajekt sumiesna z Adidas, pryśviečany raspracoŭcy razumnaj ściłki dla futbalistaŭ, jakaja moža vymiarać siłu ŭdaraŭ, adlehłaść i chutkaść.
Mahčyma, projduć hady, pakul razumnaje adzieńnie stanie masavaj źjavaj, ale siońnia zakładvajecca asnova dla raspaŭsiudžvańnia hetych technałohij u budučyni.
Ciapier čytajuć
U Poznani hiniekołah vydaliŭ 24‑hadovaj biełaruscy matku i jaječniki bieź jaje zhody. Jamu pahražaje da 20 hadoŭ turmy25
Kamientary