Palitźniavolenaha Siarhieja Kapanca asudzili da 5,5 hadoŭ kałonii. Jaho abvinavacili ŭ spryjańni arhanizacyi biesparadkaŭ
U sudzie Centralnaha rajona Minska 18 maja vynieśli prysud palitźniavolenamu, členu inicyjatyŭnaj hrupy Viktara Babaryki Siarhieju Kapancu, paviedamlajuć pravaabaroncy.
Za padziei 9-11 žniŭnia ŭ Minsku jaho asudzili pa dvuch artykułach Kryminalnaha kodeksa: č. 6 art. 16 i č. 1 art. 293 i č. 1 art. 342. Siarhieja abvinavacili ŭ sadziejničańni Ściapanu Puciłu, Ramanu Pratasieviču i inšym asobam u arhanizacyi masavych biesparadkaŭ, a taksama ŭ raspaŭsiudzie ŭlotak, pieradadzienych jamu Juryjem Vaskrasienskim, i kaardynavańni ruchu ludziej ad HC «Śpiektr» da administracyi Pieršamajskaha rajona paśla zakryćcia ŭčastkaŭ dla hałasavańnia 9 žniŭnia.
Taksama Kapanca abvinavacili va ŭdziele ŭ akcyjach pratestu 10 i 11 žniŭnia na vulicy Prytyckaha i praśpiekcie Puškina ŭ Minsku.
Siarhiej viny nie pryznaŭ. Pałova sudovaha pracesu prajšła ŭ zakrytym režymie praz vyvučeńnie materyjałaŭ z ekstremisckaha telehram-kanała. Sudździa Viktoryja Šabunia pakarała palitviaźnia 5,5 hadami kałonii va ŭmovach uzmocnienaha režymu. Mienavita takoje pakarańnie zaprošvaŭ prakuror Ivan Procki.
Ciapier čytajuć
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju2
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru17
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary