«Ni ŭ jakim vypadku»: vyklučeńnie zbornaj Biełarusi z ČS pa chakiei nie razhladajecca
Vyklučeńnie biełaruskaj kamandy z Čempijanatu śvietu pa chakiei, što prachodzić u Ryzie, nie razhladajecca.
Pra heta ŭ paniadziełak u intervju ahienctvu LETA zajaviŭ prezident Fiederacyi chakieja Łatvii Ajhars Kałvicis, piša TASS.
Jon padkreśliŭ, što isnujučyja ŭ apošnija dni roznahałośsi pamiž Ryhaj i Minskam [kanflikt sa ściaham, vysyłka dypłamataŭ] nie paŭpłyvajuć na ŭdzieł biełaruskaj zbornaj u suśvietnym pieršynstvie, kateharyčna adprečvajučy mahčymaść vyklučeńnia kamandy Biełarusi z turniru. «My siabry adnoj chakiejnaj siamji. Ni ŭ jakim vypadku», — adznačyŭ jon.
Fiederacyja chakieja Biełarusi nakiravała notu na adras prezidenta Mižnarodnaj fiederacyi chakieja (IIHF) Rene Fazela ŭ suviazi ź incydentam ź dziaržaŭnym ściaham Biełarusi ŭ Ryzie. «My atrymali list, kab dapamahčy harantavać biaśpieku hulcoŭ padčas čempijanatu śvietu», — ukazaŭ Kałvicis.
***
Na ČS biełarusy prajhrali ŭ startavym matčy Słavakii (2:5), ale tyja — užo lidary hrupy, pieramahli Šviecyju (1:0) i ŭ aviertajmie sastupili Čechii (2:3).
U vyniku paśla troch hulniach zbornaja Biełarusi zajmaje 4-je miesca, što daje propusk u płej-of. U sieradu matč sa słaboj Vialikabrytanijaj, a ŭ piatnicu z Danijaj, jakaja pakul na bał sastupaje Biełarusi, ale siońnia hulaje z brytancami.
Ciapier čytajuć
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR4
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary