Mienavita stolki prosić prakuror dla lidara hurta Gods Tower Uładzisłava Navažyłava za abrazu čynoŭnika.
Praces idzie siońnia ŭ sudzie Centralnaha rajona Homiela, paviedamlajuć pravaabaroncy.
Muzyku abvinavačvajuć u abrazie ŭ fejsbuku pradstaŭnika ŭłady — staršyni Homielskaha abłvykankama Hienadzia Sałaŭja.
Uładzisłaŭ patłumačyŭ, što, na jahonuju dumku, kiraŭnik vobłaści nie vykonvaŭ svaich abaviazkaŭ, bo nie moh adkazać na pytańni ludziej, da jakich vyjšaŭ 16 žniŭnia. Pakidajučy kamientar u Facebook, Navažyłaŭ mieŭ na ŭvazie zborny vobraz čynoŭnika — adsyłka da Sałtykova-Ščadryna i Čukoŭskaha.
«Ja ž nie vinavaty, što ŭ jaho akazałasia takoje piajučaje proźvišča», — skazaŭ Navažyłaŭ.
Paciarpieły na sud nie źjaviŭsia, padaŭ zajavu, što nie moža źjavicca z pryčyny słužbovaj zaniataści.
Abvieščany pierapynak da 21 červienia.
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary