Žychara Navahradka pakarali hodam «chimii» za dva słovy ŭ instahramie
Žychara Navahradku Maksima Šyrynskaha asudzili za toje, što jon nibyta abraziŭ u instahramie padpałkoŭnika milicyi Dźmitryja Krotava. Toj byŭ na pracy, kali paśla zatrymańnia Viktara Babaryki pratestoŭcy zładzili łancuh salidarnaści, piša «Svaboda».
Spravu razhladała sudździa Karelickaha rajonu Iryna Kasko, dziaržaŭny abvinavaŭca — Alaksandar Šlažko. Staršy inspektar HUUS Mienskaha harvykankamu Dźmitry Krotaŭ prachodziŭ u spravie jak paciarpieły.
Asudžanamu Maksimu Šyrynskamu 33 hady. Žanaty, dvoje małych dziaciej. Pracuje elektrazvarščykam na zavodzie.
Paciarpiełamu Krotavu 39 hadoŭ, u milicyi słužyć 19 hadoŭ. Jon sam źviarnuŭsia ŭ milicyju, kab pakarali Šyrynskaha.
Pa versii śledztva, Šyrynski ŭ instahramie pad fota Krotava jašče letaś u lipieni pakinuŭ kamentar «Je*** musor». Eksperty vyrašyli, što jon «utrymlivaje nehatyŭnuju acenku» i adrasavany Krotavu. Na mužčynu zaviali kryminalnuju spravu za abrazu pa artykule 369 KK Biełarusi.
Šyrynski svaju vinu całkam nie pryznaŭ. Jon patłumačyŭ, što kamentar adrasavaŭ nieviadomamu čałavieku, jaki i zapościŭ zhadanaje fota. Pryčym jahonyja słovy tyčylisia nie milicyjanta, a internetu ahułam, dzie mohuć raźmiaščać nie zaŭždy praŭdzivuju infarmacyju. Šyrynski dadaŭ, što nia viedaŭ, što čałaviek na fota — supracoŭnik milicyi, bo toj byŭ u cyvilnym adzieńni.
Jak raskazała siastra asudžanaha Volha, dopisu z fota milicyjanta i abraźlivym kamentarom užo na pačatak śledztva nie isnavała. Dokazam viny brata ŭ sudzie byŭ skrynšot taho dopisu.
Sa słovaŭ siastry, u sudzie taksama razhladali videarolik, na jakim Šyrynski rvie paśviedčańni da ŭznaharodaŭ padčas jahonaj słužby ŭ vojsku sa słovami, što jamu soramna za biełaruskaje vojska. Heta ŭ sudzie pradstavili jak charaktarystyku Šyrynskaha, što jon maje niepryjaź da supracoŭnikaŭ orhanaŭ unutranych spraŭ ahułam.
Mužčynu pačali vyklikać na dopyty jašče ŭ žniŭni. Jon uvieś čas zastavaŭsia pad padpiskaj ab niavyjeździe. U krasaviku spravu pieradali ŭ sud. U červieni jaho pryznali vinavatym i dali 1 hod abmiežavańnia voli z nakiravańniem va ŭstanovu adkrytaha typu.
Prysud užo ŭstupiŭ u siłu. Pakarańnie Šyrynski budzie adbyvać u Mazyry, kudy pajedzie 25 červienia.
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»8
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Kamientary