Supracoŭniki padraździaleńniaŭ pa baraćbie z karupcyjaj i ekanamičnymi złačynstvami Minska sumiesna z pradstaŭnikami Minskaj centralnaj mytni vyjavili bujnuju partyju kantrabandnych mabilnych telefonaŭ.
Pavodle źviestak pres‑słužby HUUS Minharvykankama, 1 lipienia pry praviadzieńni kompleksu apieratyŭna‑vyšukovych mierapryjemstvaŭ pa spynieńni kanała pastaŭki z Rasii ŭ Biełaruś niesiertyfikavanaj pradukcyi vytvorčaści KNR supracoŭniki milicyi i mytni pravieryli handlovy kijosk staličnaha indyvidualnaha pradprymalnika na terytoryi HD «Ždanovičy». Byŭ ustanoŭleny fakt realizacyi sotavych telefonaŭ roznych handlovych marak vytvorčaści KNR, nie markiravanych va ŭstanoŭlenym paradku kantrolnymi znakami Respubliki Biełaruś. Kanfiskavana 49 telefonaŭ koštam bolš jak 50 młn. rubloŭ.
Na składzie pradprymalnika ŭ pasiołku Ždanovičy było vyjaŭlena i kanfiskavana bolš jak 70 tys. mabilnych telefonaŭ, kamplektavalnych i aksiesuaraŭ da ich na ahulnuju sumu pryblizna 2,3 młrd. rubloŭ.
U dačynieńni da pradprymalnika za parušeńnie mytnaha i padatkovaha zakanadaŭstva składzieny administracyjnyja pratakoły. Pravodzicca pravierka.
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary