Pra heta zajaviŭ premjer‑ministr Šviecyi Fredryk Rejnfielt.
Realizacyja prahramy «Uschodniaje partniorstva» u druhoj pałovie 2009 hoda budzie adkładziena na druhi płan,
zajaviŭ u intervju radyjo «Svaboda» Fredryk Rejnfielt, premjer‑ministr Šviecyi, da jakoj na hety čas pierajšło staršynstva ŭ Jeŭrasajuzie.
Pavodle słoŭ šviedskaha premjera, da hetaha kroku ES «vymusili surjoznyja prablemy». Da kanca hoda nie płanujecca realizacyja «maštabnych inicyjatyŭ abo praviadzieńnie surjoznych sustreč».
Jak raniej paviedamlaŭ BiełaPAN, Šviecyja ličyć, što prymaje estafietu staršynstva ŭ asablivaj situacyi suśvietnaha ekanamičnaha kryzisu, kali vosieńniu pačnie pracu Jeŭraparłamient novaha sklikańnia i Jeŭrakamisija novaha składu, a situacyja ź Lisabonskim pahadnieńniem da kanca nie vyznačana. Rejnfielt nazvaŭ zadačy krainy na najbližejšyja paŭhoda niaprostymi.
Pryjarytety šviedskaha staršynstva — baraćba z suśvietnym finansavym kryzisam, źmienaj klimatu, a taksama pytańni prymianieńnia novaha Lisabonskaha pahadnieńnia ŭ vypadku jaho ratyfikacyi. Asablivuju ŭvahu Stakholm abiacaje nadać stratehii ES u rehijonie Bałtyjskaha mora, adnosinam ES i Rasii i prahramie «Uschodniaje partniorstva». Adznačajucca taksama namahańni dla dasiahnieńnia biaśpieki ŭ ES, najpierš baraćba z arhanizavanaj złačynnaściu i nielehalnaj imihracyjaj.
Raźviedka ZŠA: Biełaruś stała pieradavym vajskovym płacdarmam Rasii24
Kamientary