Minčuka aryštavali na 15 sutak za fota prapahandysta Biańko, jakoje jon adasłaŭ błohieru Matolku
U siaredzinie maja błohieru Antonu Matolku čytač dasłaŭ fotazdymak Alaksandra Biańko, jaki, jak miarkujecca, moža stajać za kanałam «Žoŭtyja ślivy». Biańko tady stajaŭ na kasie ŭ kramie. Błohier apublikavaŭ hetaje fota ŭ svaim telehram-kanale, paviedamlajuć pravaabaroncy.
24 červienia na adnym z prapahandysckich telehram-kanałaŭ źjaviłasia infarmacyja, što aŭtar hetych zdymkaŭ zatrymany. Paźniej u hetym ža kanale paviedamili, što «złačyncu» zavuć Andrej Antonaŭ.
Siońnia stała viadoma, što 28 červienia nad Antonavym u sudzie Maskoŭskaha rajona Minska prajšoŭ sud pa spravie za «drobnaje chulihanstva» (art. 19.1 KaAP). U vyniku za fotazdymak prapahandysta, jaki 34-hadovy Andrej Antonaŭ adasłaŭ Antonu Matolku, jaho pakarali 15-sutačnym aryštam.
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary