Мінчука арыштавалі на 15 сутак за фота прапагандыста Бянько, якое ён адаслаў блогеру Матольку
У сярэдзіне мая блогеру Антону Матольку чытач даслаў фотаздымак Аляксандра Бянько, які, як мяркуецца, можа стаяць за каналам «Жоўтыя слівы». Бянько тады стаяў на касе ў краме. Блогер апублікаваў гэтае фота ў сваім тэлеграм-канале, паведамляюць праваабаронцы.
24 чэрвеня на адным з прапагандысцкіх тэлеграм-каналаў з'явілася інфармацыя, што аўтар гэтых здымкаў затрыманы. Пазней у гэтым жа канале паведамілі, што «злачынцу» завуць Андрэй Антонаў.
Сёння стала вядома, што 28 чэрвеня над Антонавым у судзе Маскоўскага раёна Мінска прайшоў суд па справе за «дробнае хуліганства» (арт. 19.1 КаАП). У выніку за фотаздымак прапагандыста, які 34-гадовы Андрэй Антонаў адаслаў Антону Матольку, яго пакаралі 15-сутачным арыштам.
Каментары