Palityčny ahladalnik Arciom Šrajbman u prahramie «Tok» vykazaŭsia nakont mahčymaha pierajemnika Łukašenki.
— U vypadku tranzitu ŭłady, chto ź dziejnych dziaržaŭnych palitykaŭ moža zadavolić Kreml?
— Luby, chto moža harantavać adsutnaść novych revalucyj u Biełarusi, — ličyć Šrajbman. — Kali heta fihura budzie choć trochi bolš kampramisnaj dla hramadstva, čym Łukašenka, navat kali hety čałaviek nie budzie na 100% ruskamircam, Rasija padtrymaje jaho, prosta tamu što jon vyrašyć važnuju zadaču — stabilizuje Biełaruś, nie budzie vyvodzić jaje z rasijskaj śfiery ŭpłyvu. Napeŭna, fihura ŭ vyhladzie Hałoŭčanki, Miaśnikoviča zadavoliła b Rasiju bolš, čym Makiej, u jakoha vidavočna, jość prazachodni flor.
— Na kaho moža pastavić sam Łukašenka?
— Dla jaho pryncypova znajści kanfihuracyju, pry jakoj jon i jahonyja ludzi buduć u biaśpiecy. Dumaju, jon budzie šukać miks: čałavieka, jaki byŭ u siłavych strukturach, i razumieje ŭ haspadarcy. Takich u siońniašniaj elicie ja baču dvuch — Hałoŭčanka i Makiej. Ale ŭ takich situacyjach mohuć być i vypadkovaści. Kali Łukašenka budzie sychodzić nie pa svajoj voli, navierch mohuć uspłyć niepradkazalnyja fihury.
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary