U siaredzinie žniŭnia biełaruskija pamiežniki zajavili, što łatvijskija kalehi nie dapamahajuć mihrantam ź dziećmi, što zachraśli na łatvijskaj miažy. Na videa pad pastom pakazali, jak biełaruskija miedyki ahladajuć žančynu i viazuć u balnicu.
Sajt Sargs.lv parazmaŭlaŭ z hierojami hetaj historyi. Jany raspaviali, što prylacieli rejsam sa Stambuła i praviali ŭ biełaruskaj stalicy dva dni.
Zatym pa ich pryjechali niekalki aŭtamabilaŭ, jakija pavieźli siamju hieroja rolika i jašče 14 čałaviek na biełaruska-łatvijskuju miažu.
Praŭda, u Łatviju ich nie puścili łatvijskija pamiežniki, a nazad nie puskali biełaruskija. Kali žančynie stała błaha, jaje zabrała chutkaja i adviezła ŭ balnicu.
Pa słovach muža, na druhi dzień jaje vypisali, a «čałaviek va ŭniformie» zabraŭ u ich pašparty. Paźniej nieviadomyja znoŭ advieźli ich da biełaruska-łatvijskaj miažy.
U vyniku siamja ŭsio ž trapiła ŭ Łatviju, ale mužčyna zaznačaje, što zastavacca ŭ ES nie choča.
«My chočam viarnucca damoŭ», — kaža jon.
Ciapier čytajuć
Biełaruska nabiła na ciele partrety Łukašenki i jaho synoŭ, Umki, Pucina dy Si Czińpina12
Kamientary