Zialenski zaklikaŭ da listapada razabracca z ukrainskaj naftapierapracoŭkaj, kab źnizić zaležnaść ad Biełarusi
Prezident Ukrainy Uładzimir Zialenski vydaŭ ukaz, jakim uvioŭ u dziejańnie rašeńnie Rady nacyjanalnaj biaśpieki i abarony ad 30 lipienia 2021 hoda «Ab mierach pa niejtralizacyi pahroz u enierhietyčnaj śfiery».
«U adpaviednaści z artykułam 107 Kanstytucyi Ukrainy pastanaŭlaju: uvieści ŭ dziejańnie rašeńnie Rady nacyjanalnaj biaśpieki i abarony Ukrainy ad 30 lipienia 2021 hoda «Ab mierach pa niejtralizacyi pahroz u enierhietyčnaj śfiery», — havorycca va ŭkazie.
Da kanca kastryčnika ŭrad Ukrainy pavinien zaćvierdzić płan mierapryjemstvaŭ pa stymulavańni raźvićcia ŭkrainskaj naftapierapracoŭčaj haliny.
U adpaviednaści sa stratehijaj enierhietyčnaj biaśpieki, uchvalenaj rasparadžeńniem Kabinieta Ministraŭ Ukrainy ad 4 žniŭnia 2021 h. № 907-R impartazaležnaść ŭ pastaŭcy naftapraduktaŭ pryznana adnoj z pahroz enierhietyčnaj biaśpiecy Ukrainy.
«Ukraina stała na 85 pracentaŭ zaležnaj ad impartu naftapraduktaŭ. Pry hetym dola naftapraduktaŭ, vyrablenych u Rasijskaj Fiederacyi abo z rasijskaj syraviny (pierš za ŭsio ŭ Respublicy Biełaruś), u struktury impartu pieravyšaje 80 pracentaŭ. Ukraina ŭ 2020 hodzie impartavała naftapraduktaŭ z Rasijskaj Fiederacyi i Respubliki Biełaruś na sumu bolš za 2,4 młrd. dalaraŭ ZŠA. Niezdavalniajučy ŭzrovień dyviersifikacyi krynic i maršrutaŭ pastaŭki i adsutnaść stvoranaj sistemy zapasaŭ naftapraduktaŭ robić Ukrainu ŭraźlivaj u vypadku metanakiravanaha spynieńnia pastavak naftapraduktaŭ» — havorycca va ŭradavym dakumiencie.
Ciapier čytajuć
Ad $475 da $3000 za numar. Jak vyhladaje pieršy luksavy hatel Biełarusi FOTY13
Kamientary