Ad 500 da 10 tysiač dalaraŭ. Kolki pojdzie na hanarary dla artystaŭ na Dzień horada?
Dniami stała viadoma, chto z artystaŭ vystupić u Minsku na Dni horada. «Naša Niva» pasprabavała padličyć, kolki ź biužetu pojdzie na hanarary dla ich.
Asnoŭny kancert čakajecca 11 vieraśnia kala Pałaca sportu — tam anansavany moładzieva-muzyčny fiestyval. Chedłajnieram śviata stanie repier Siaroha. Jaho standartny hanarar — 10 tysiač dalaraŭ.
«Niavažna, jon śpiaje adnu pieśniu ci 10, jaho dzień kaštuje stolki», — patłumačyŭ kancertny ahient, jak vystupleńnie repiera zvyčajna apłačvajecca na karparatyvach.
Rascenki astatnich artystaŭ bolš ścipłyja. Voś jakija hanarary zakładalisia na inšych dziaržaŭnych kancertach: Hiermanu Citovu — 3000 rubloŭ, hurtu «Drazdy» — 2000, Viktoryi Aleška — 1700, Tea — 1600, hurtu «Status» — 1500.
Hurt «Radyjochvala» za 50 chvilin na scenie biare $500.
Kali sychodzić z takich hanararaŭ, ahułam atrymlivajecca kala 14,4 tysiačy dalaraŭ.
Kamientary