Fiermier z Homiela vyraściŭ 300 ton kavunoŭ. Niekatoryja važać pa 40 kiłahramaŭ
Na Dni horada Homiela 11 vieraśnia fiermier Ihar Hryńko byŭ sapraŭdnym chedłajnieram. Nie muzyčnym, a haspadarnym. Jaho pradukcyju kuplali, ź joj fatahrafavalisia, joj ździŭlalisia. I praŭda, najbolšyja kavuny z bachčy Ihara važyli kala saraka kiłahramaŭ, a harbuzy daviałosia spuskać na ziamlu z mašyny padjomnikam.
«Čatyrysta kiłahram harbuz — hłyba, soniečny vałun. Vočy admaŭlajucca vieryć u taki płod! Haradskaja dziatva, pa sutnaści, zajmałasia tut alpinizmam, uźbirajučysia na harbuzy fiermiera», — piša «Narodnaja vola».
— Siem hadoŭ zajmajusia vyroščvańniem kavunoŭ. Sioleta vyraściŭ ich ton trysta, — raspavioŭ Ihar.
Kavuny fiermier pradavaŭ pa 80 kapiejek za kiłahram. Na rynku jany ciapier — 1,2 rubla.
Kamientary