Časopis «PrajdziŚviet» (http://prajdzisvet.org) zaprašaje ŭsich achvotnych da ŭdziełu ŭ konkursach pierakładnikaŭ.
Pieršyja konkursy prymierkavanyja da druhoha numaru časopisa, pryśviečanaha litaratury madernizmu. Vašaj uvazie prapanujecca 21 vierš z čatyrnaccaci movaŭ: anhielskaj, hišpanskaj, hreckaj, italjanskaj, niderłandskaj, niamieckaj, partuhalskaj, polskaj, rasijskaj, sierbskaj, ukrainskaj, francuzskaj, češskaj, šviedskaj. Najlepšyja pierakłady buduć nadrukavanyja ŭ druhim numary časopisa.
Pierakłady možna albo dasłać na adrasy redakcyi: 220005, h. Minsk, p/s 2 ci elektronny [email protected], albo raźmiaścić na našym forumie (http://prajdzisvet.freeforums.org), dzie dla konkursaŭ stvorany adpaviedny raździeł, a dla kožnaha vierša – adpaviednaja tema.
Varta adznačyć, što druhi sposab bolš pažadany, bo maje šerah pieravahaŭ: u takim vypadku ŭdzielniki konkursaŭ zmohuć pabačyć i abmierkavać i pierakłady inšych. Taksama heta daść mahčymaść pradmietna razhledzieć vaš pierakład i dapracavać jaho pry najaŭnaści nievialikich chibaŭ. Dla hetaha treba tolki zarehistravacca na forumie, nacisnuŭšy na knopku «Rehistracyja» na hałoŭnaj staroncy forumu. U chutkim časie vaš ulikovy zapis budzie aktyvavany administrataram, i vy atrymajecie dostup da ŭsich materyjałaŭ forumu.
Kali ŭ śpisie aŭtaraŭ vy nie znojdziecie taho, kaho vam chaciełasia b pierakłaści, albo toj movy, ź jakoj vy pierakładajecie, vy možacie źviarnucca da redakcyi (znoŭ ža pa pošcie albo na forumie). My adkrytyja dla supracoŭnictva, i z vašaha žadańnia źmieścim konkurs pa hetaj movie. Abmiežavańnie – ramki madernisckaj litaratury.
Pierakłady prymajucca da 1 žniŭnia.
Spampavać teksty dla pierakładu možna TUT: http://www.prajdzisvet.org/main.do?method=loadContestsPage ci TUT: http://prajdzisvet.org/storehouse/contests/konkurs_1.doc
Pra časopis
Časopis pierakładnoj litaratury «Prajdziśviet» (http://prajdzisvet.org) uźnik u 2008 h. jak ideja virtualnaha pieryjadyčnaha vydańnia, całkam pryśviečanaha zamiežnaj litaratury ŭ pierakładach na biełaruskuju movu. Maładyja pierakładčyki abjadnali svaje siły, kab pašyryć prastoru biełaruskaj kultury za košt uviadzieńnia ŭ jaje kantekct novych pierakładaŭ zamiežnych aŭtaraŭ, a taksama znajomstva z novymi imionami suśvietnaj litaratury. Redakcyja časopisa taksama stavić za metu padvyšeńnie prafesijnaha ŭzroŭniu pierakładu na biełaruskuju movu i sprobu stvareńnia škoły biełaruskaha pierakładu.
Dziela hetaha ŭ časopisie płanujecca źmiaščać raniej zroblenyja, ale maładastupnyja pierakłady, a taksama karysnyja parady znanych majstroŭ i karysnyja spasyłki na šmatlikija resursy ŭ internecie.
Pieryjadyčnaść vychadu časopisa – raz na 3 miesiacy. Sajt abnaŭlajecca pastajanna.
Kamientary