Litva stvaryła mahčymaść prasić prytułku ŭ pasolstvie krainy ŭ Minsku
Ź sierady Litva stvaryła mahčymaść prasić prytułku ŭ pasolstvie krainy ŭ Biełarusi. Heta praduhledžana va ŭkazie, padpisanym u aŭtorak ministram abarony Arvidasam Anušaŭskasam, jaki zamiaščaje kiraŭnika MZS, paviedamlaje Delfi.lt.
Da hetaha času litoŭskija pamiežniki zaklikali mihrantaŭ, jakija sprabujuć nielehalna pierasiekčy miažu ź Biełaruśsiu, prasić prytułku na kantrolnych pamiežnych pastach.
«Prašeńni zamiežnych hramadzian ab pradastaŭleńni prytułku mohuć padavacca ŭ pasolstvie Litoŭskaj Respubliki ŭ Respublicy Biełaruś», — havorycca ŭ dakumiencie, jaki ŭstupiŭ u siłu ŭ sieradu.
Mahčymaść prasić prytułku ŭ dypłamatyčnych pradstaŭnictvach Litvy praduhledžana ŭ pryniatych 10 žniŭnia papraŭkach da zakona ab pravavym statusie zamiežnikaŭ, adnak u rečaisnaści heta nie prymianiałasia, pakul MZS nie pryniaŭ zakanadaŭčy akt pa realizacyi hetaha pałažeńnia.
Raniej vice-ministr unutranych spraŭ Arnołdas Abramavičus zajaŭlaŭ, što mihranty, jakich razvaročvajuć na miažy, ni razu nie padavali prašeńni ab prytułku na KPP, bo ŭ bolšaści ź ich niama dakumientaŭ, jakija paćviardžajuć asobu, i pa hetaj pryčynie biełaruskija słužby nie prapuskajuć ich praz svaje punkty.
Ciapier čytajuć
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać4
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary