Zatrymany historyk i vykładčyk kursaŭ «Mova Nanova» Andrej Kołas
27 vieraśnia ŭ dom historyka i vykładčyka kursaŭ «Mova Nanova» ŭ Vaŭkavysku Andreja Kołasa ŭłamiłasia siamiora siłavikoŭ sa ščytami i zbrojaj. Pra heta Jeŭraradyjo paviedamili jaho siabry. Farmalnaja nahoda dla vizitu — pravierka palaŭničaj zbroi. Chłopca zatrymali i paśla suda pasadzili na 10 sutak.
«Pryniali ŭ RUUS, dzie ŭžo była zahatoŭka — biaskryŭdny klip, jaki Andrej raźmiaściŭ u svaich sacsietkach u 2018 hodzie z maleńkimi łahatypam sajta, jaki pryznali ekstremisckim u 2021-m! — aburajucca siabry historyka. — Andreja pasadzili ŭ kamieru z drobnym zładziužkam i biazdomnym. Ź pieradačy pryniali tolki rečy. Ježu i knihi raźviarnuli. Kožny viečar jaho vodziać na dopyty, na jakich z krykam i matam prapanujuć vyjechać u Polšču abo siadzieć usio žyćcio».
Surazmoŭniki Jeŭraradyjo kažuć, što ŭ Vaŭkavysku Andreja Kołasa viedajuć jak «čałavieka, jaki vypuściŭ ź piedkaledža sotni junych patryjotaŭ». Jon vykładaŭ im historyju i kulturu Biełarusi na rodnaj movie. Taksama historyk šmat hadoŭ prapracavaŭ dyrektaram turystyčnaj kampanii, jakaja stvaryła muziej biełaruskaj šlachty.
«Cisk na vykładčykaŭ kursaŭ «Mova Nanova» praciahvajecca. Mnohija z kamandy byli vymušanyja vyjechać za miažu. Tyja, što zastalisia ŭ Biełarusi, pakul nie pracujuć. Dzień nastaŭnika, jaki sioleta adznačajecca 3 kastryčnika, naš vydatny piedahoh i siabar sustrenie za kratami. My vielmi čakajem jaho na voli», — kamientujuć situacyju kalehi Andreja Kołasa.
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»23
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju44
Kamientary