Jak zhubić hrošy pry arendzie kvatery. Prosty i nadziejny sposab ad machlaroŭ u Hrodna
Hrodzienskija śledčyja tolki za apošni miesiac zafiksavali kala 15 vypadkaŭ padmanaŭ ludziej, što chacieli źniać kvateru.
27-hadovaja dziaŭčyna, žadajučy źniać kvateru na praciahły termin, znajšła abjavu ŭ internecie. Praź pierapisku ŭ vajbiery damoviłasia z patencyjnym arendadaŭcam ab uniasieńni pieradapłaty. Ułaśnik rastłumačyŭ, što na kvateru čarha z žadajučych, u suviazi z čym pieradapłata harantavała b broń.
Dziaŭčyna ŭdakładniła, jak viarnuć hrošy, kali pry ahladzie kvatera nie spadabajecca. Joj rastłumačyli, što prablem nie ŭźniknie. Jana pieraličyła 350 rubloŭ na ŭkazany rachunak — i surazmoŭca pierastaŭ vychodzić na suviaź. Charakterna, što za čas znosin miascovaja žycharka nie razmaŭlała ź im pa telefonie, a tolki pierapisvałasia.
U padobnuju situacyju trapiŭ 29-hadovy žychar abłasnoha centra, jaki taksama pieraličyŭ 350 rubloŭ, toje ž zrabiŭ i 20-hadovy haradzieniec, tolki jon užo pieraličyŭ 200 rubloŭ. Jon vyrašyŭ pravieryć sumlennaść arendadaŭcy i paprasiŭ svaju žonku napisać pa hetaj abjavie. Dziaŭčyna ŭdakładniła ab mahčymaści arendy kvatery, za jakuju muž užo ŭnios pieradapłatu. Paśla taho jak joj adkazali, što arenda mahčymaja, maładaja para zrazumieła, što ich padmanuli.
Pa ŭsich faktach raspačatyja kryminalnyja spravy pa art. 209 (Machlarstva) Kryminalnaha kodeksa.
Kamientary