Nazaraŭ: Straty biełaruskich NPZ z-za sankcyjaŭ skłali ŭžo $80 młn
Straty biełaruskich NPZ z-za sankcyj skłali ŭžo $80 młn. Ab hetym paviedamiŭ namieśnik premjer-ministra Juryj Nazaraŭ padčas sumiesnaha pasiadžeńnia Pałaty pradstaŭnikoŭ i Savieta Respubliki ŭ Avalnaj zale Doma ŭrada, pieradaje BIEŁTA.
«Na žal, my razumiejem, što sankcyjnaja situacyja — heta nadoŭha, i jana ŭ dalejšym moža być adčuvalnaj dla ekanomiki našaj krainy. Pryviadu prykład: straty tolki našych NPZ u vyniku sankcyjnych mier užo skłali $80 młn», — skazaŭ Juryj Nazaraŭ.
Pavodle jaho słoŭ, asnoŭny niehatyŭny ŭpłyŭ sankcyj na pramysłovy kompleks abumoŭleny pavieličeńniem vydatkaŭ, źviazanych ź nieabchodnaściu zamieny pastaŭščykoŭ kamplektujučych, syraviny i materyjałaŭ, z padaŭžeńniem terminaŭ prachodžańnia płaciažoŭ.
«Usio heta ŭ kompleksie adbivajecca na svoječasovym vykanańni abaviazacielstvaŭ našych pradpryjemstvaŭ. Akramia taho, paharšajucca ŭmovy zapazyčańniaŭ jak u častcy pavyšeńnia koštu, tak i skaračeńnia terminaŭ pradstaŭleńnia resursaŭ, uklučeńnie dadatkovych patrabavańniaŭ», — adznačyŭ vice-premjer.
Razam z tym Nazaraŭ raspavioŭ ab raspracavanych Biełaruśsiu antysankcyjnych mierach.
Dla procidziejańnia sankcyjnym mieram i minimizacyi ich nastupstvaŭ va ŭradzie stvorana mižviedamasnaja rabočaja hrupa z pradstaŭnikoŭ 17 ministerstvaŭ i viedamstvaŭ, uklučajučy Dziaržaŭny sakrataryjat Savieta biaśpieki, KDK, KDB i Nacyjanalny bank.
U naftapierapracoŭcy pryniaty miery pa zachavańni mahčymaści ekspartu naftapraduktaŭ u nieabchodnym abjomie i zabieśpiačeńni «Naftana» kredytnymi resursami dla bieśpierabojnych zakupak nafty ŭ Rasii, ažyćciaŭleńnia biahučaj i inviestycyjnaj dziejnaści.
«Realizacyja hetych mier dała mahčymaść vyrašyć pytańnie z zahruzkaj abodvuch NPZ. Da kanca hetaha hoda jany buduć zahružany z hadavym abjomam pierapracoŭki 16,8 młn t u hod, što praktyčna na 0,5 młn t bolš, čym u minułym hodzie», — adznačyŭ vice -premjer.
Akramia taho, u poŭnym abjomie zabiaśpiečany patrebnaści ŭnutranaha rynku ŭ naftapraduktach i naftachimičnaj syravinie, a pa naftapraduktach stvorany ich 30-sutačny zapas.
Pavodle Nazarava, kropkavyja miery ŭ pramysłovym, naftachimičnym, transpartnym i bankaŭskim siektarach dla narmalizacyi ich finansava-haspadarčaj dziejnaści pryniatyja. Jak vynik, ekspart pradukcyi MAZa i BiełAZa ŭ paraŭnańni ź minułym hodam vyras amal na $250 młn, naftachimii — na $700 młn, pa azotnych i kalijnych uhnajeńniach — na $100 młn.
Ciapier uradam sumiesna z rasijskim bokam viadziecca rabota pa pieranakiravańni biełaruskich hruzaŭ z prybałtyjskaha napramku na rasijski.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata16
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1313
Kamientary